Alec Baldwin áreittur af stuðningsmanni Palestínu
Setja bókamerki
Leikarinn Alec Baldwin lenti í leiðinlegu atviki þegar hann ætlaði að næla sér í kaffibolla á kaffihúsi í New York á mánudag.
Baldwin, sem var í miðju símtali, varð bylt við þegar stuðningsmaður Palestínu hóf að áreita hann, upp úr þurru.
Viðkomandi sýndi af sér ógnandi hegðun og beindi síma að andliti leikarans og heimtaði að Baldwin segði „frelsi Palestínu og f*** Ísrael“, sem hann gerði ekki.
Baldwin reyndi að hunsa ófriðarsegginn sem gafst þó ekki auðveldlega upp.
Viðkomandi byrjaði að „yfirheyra“ leikarann um andlát kvikmyndatökumannsins Halynu Hutchins, sem varð fyrir voðaskoti á tökusetti kvikmyndarinnar Rust árið 2021.
Í byrjun hélt Baldwin ró sinni en bað starfsfólk kaffihússins um aðstoð við að fjarlægja viðkomandi eða hringja á lögregluna.
Leikarinn snöggreiddist þegar viðkomandi neitaði að láta hann í friði.
Baldwin sló til hans sem varð til þess að stuðningsmaðurinn missti símann í gólfið. Upptaka af atvikinu hefur farið eins og eldur í sinu um netheima
Land risið um 20 sentimetra: Gæti gosið án fyrirvara
Blinken kominn til Úkraínu – Rússar herða sókn
Ákall eftir forseta án tengsla við valdöfl og fjármálakerfi
Fræsa og malbika Reykjanesbraut
Baldur hefur ekki áhyggjur
Sundagöng koma einnig til greina
Íslendingar þurfa að fullorðnast í varnarmálum
Þyrla kölluð út vegna umferðarslyss