Ósammála um lengd vopnahlés
Setja bókamerki
Áframhaldandi kröfur hryðjuverkasamtakanna Hamas, um viðvarandi vopnahlé á Gasa, hafa dregið úr vonum um að samkomulag náist um vopnahlé.
Þetta hefur AFP-fréttaveitan eftir háttsettum embættismanni innan úr ísraelska stjórnkerfinu sem kunnugur er gangi viðræðnanna.
„Hingað til þá hefur Hamas ekki gefið upp kröfur sínar um endalok stríðsins, sem tekur út möguleikann á að samkomulag náist,“ hefur AFP eftir embættismanninum, sem tjáði sig gegn því að hann nyti nafnleyndar.
Ekki samþykkt að binda enda á stríðið
Hafnar hann framkomnum fregnum um að Ísrael hafi samþykkt að binda enda á stríðið til að geta leyst gíslana úr haldi Hamas-samtakanna.
Fulltrúar Hamas sneru aftur til Egyptalands fyrr í dag til að svara boði um fjörutíu daga vopnahlé.
Stjórnvöld Egyptalands, Katar og Bandaríkjanna hafa síðustu mánuði reynt að koma á samkomulagi milli Ísraels og Hamas, án árangurs.
Tímaspursmál hvenær framleiðslu verði hætt
„Ég hélt ég myndi deyja, með dóttur mína í bílnum“
Opin fyrir almennri kosningu biskups
Vantar fólk: „Þetta er gaman en það er ekki nóg“
Kostnaðurinn nemur allt að þremur milljörðum
„Bíð bara eftir að það fari að gjósa aftur“