Þorgerður Katrín Gunnarsdóttir, sjávarútvegs- og landbúnaðarráðherra, mætir á sameiginlegan fund efnahags- og viðskiptanefndar og atvinnuveganefndar á nefndasviði Alþingis í fyrramálið. Óli Björn Kárason, formaður efnahags- og viðskiptanefndar, segir að á fundinum verði farið yfir stöðuna sem er uppi vegna verkfalls sjómanna, hvaða áhrif verkfallið hefur haft á efnahagsmál og stöðu ríkissjóðs.

Frétt af mbl.is

Ráðherra komi fyrir nefndina

„Þessi fundur er fyrst og fremst hugsaður til að gefa ráðherranum tök á því að gera nefndarmönnum grein fyrir því hvaða sjónarmið eru uppi og hvaða leiðir séu hugsanlegar til að höggva á þennan hnút,“ segir Óli Björn.

Á fundi Þorgerðar Katrínar og deiluaðila í kjaradeilu sjómanna kom fram að hún hygðist setja af stað vinnu í ráðuneytinu til þess að meta áhrif skattabreytinga sem miðuðu að því að gera fæðispeninga sjómanna skattfrjálsa. Upplýsti hún deiluaðila um að þeirri vinnu yrði lokið eigi síðar en í apríl.

Tengdar fréttir

Kjaramál sjómanna

Níu ára stöðugleikaskeið í kjaramálum sjómanna

• SVG og VM samþykktu samninginn
• Segir samninganefnd vélstjóra sniðgengna
• Felur í sér styttri vinnuviku og aukið mótframlag
• Vélstjórar undirrituðu samning við SFS

» Fleiri tengdar fréttir

• Blogga um frétt