Kolmunnaveiðar fá vottun um sjálfbærni

Kolmunnaveiðar við Ísland hafa nú hlotið vottun um sjálfbærni frá Marine Stewardship Council. Þetta kemur fram á vef ráðsins, en þar má sjá að ákvörðun um þetta var tekin 7. nóvember síðastliðinn og gerð opinber í gær.

Þegar hafa veiðar á fjölmörgum tegundum við Ísland hlotið vottun ráðsins, en það eru þorskur, ýsa, gullkarfi, ufsi, íslensk og norsk sumargotssíld, langa, loðna, steinbítur, koli, blálanga, keila, makríll og grálúða.

Vottun á grásleppuveiðum var svo nýverið afturkölluð vegna meðafla eins og 200 mílur hafa greint frá:

Frétt af mbl.is

Afturkalla MSC-vottun fyrir grásleppuveiðar

Ekki bara stóru tegundirnar

Samtökin Iceland Sustaina­ble Fis­heries (IFS) hafa beitt sér fyrir að veiðarnar verði vottaðar. Í samtali við Kristinn Hjálmarsson, verkefnastjóra samtakanna, í október kom fram að um 90% af öll­um lönduðum afla á Íslandi sé úr MSC-vottuðum stofn­um.

„Við erum ekki bara að taka stóru teg­und­irn­ar held­ur í raun alla flór­una. Ef ég miða við 2015 töl­ur þá var stærsta teg­und­in sem var landað und­ir MSC-vottuðum skír­tein­um loðna sem var um 25% en teg­und­ir eins og loðna og grá­sleppa 1% eða minna. Þannig að við skilj­um litlu stofn­ana og minna verðmætu stofn­ana ekki út und­an. Það sama gild­ir um verðmæta stofna sem eru veidd­ir í minna magni eins og til dæm­is skötu­sel­ur sem fer að detta inn. Við erum komn­ir með al­veg ofboðslega marg­ar teg­und­ir sem eru MSC-vottaðar,“ sagði Krist­inn.

Frétt af mbl.is

Nýjar vottanir bætast í safnið

• Blogga um frétt