Kvarta til ESA vegna fiskeldislaga
Setja bókamerki
Landvernd hefur lagt fram kvörtun til ESA, eftirlitsstofnunar EFTA, vegna breytingar á lögum um fiskeldi sem brjóta gegn reglum EES-samningsins. Þetta kemur fram í tilkynningu frá Landvernd.
Þar segir að ný löggjöf um fiskeldi sem samþykkt var á Alþingi í október útiloki að leyfisveitingin sé kærð til óháðs og hlutlauss aðila á borð við úrskurðarnefnd umhverfis- og auðlindamála.
Þá segir að ekki sé gert ráð fyrir því að bráðabirgðaleyfisveiting, sem kveðið er á um í lögunum, fari í umhverfismat eða að almenningur og samtök almennings geti komið sjónarmiðum sínum á framfæri áður en leyfið er veitt.
Landvernd segir þetta brot á EES-reglum sem eigi uppruna sinn í Árósasamningnum sem Ísland hefur fullgilt. „Sjávarútvegs- og landbúnaðarráðherra gaf þann 5. nóvember síðastliðinn út tvö slík bráðabirgðaleyfi án þess að gætt væri að þessum kröfum EES-réttar.“
Nýju lagasetninguna telur Landvernd fela í sér afturhvarf til fyrri og verri tíma þegar reynt var að komast hjá því að framkvæma umhverfismat og útiloka almenning frá þátttöku í ákvörðunum sem vörðuðu umhverfið.
Við afgreiðslu lagabreytingarinnar hafi komið í ljós að á Alþingi vanti sárlega málsvara umhverfisins.
Banna mengandi búnað sem leyfður er á Íslandi
Skar höfuðleðrið af íslenskri konu
Tveir í bílnum sem lenti utan vegar
Skiptir miklu meira máli en fólk grunar
„Það þarf að vinna mikinn fjölda upp“
„Höfum ekki náð að skríða upp úr þeirri gryfju“
Eyjafjarðarbraut lokað vegna alvarlegs umferðarslyss
„Umsátursástand“