Kristján Þór Júlí­us­son sjáv­ar­út­vegs­ráðherra seg­ir að end­ur­skoða þurfi veiðistjórn­un mak­ríl­veiða í kjöl­far niður­stöðu Hæsta­rétt­ar sem dæmt hef­ur ís­lenska ríkið skaðabóta­skylt gagn­vart tveim­ur út­gerðarfé­lög­um vegna út­hlut­un­ar á mak­ríl­kvóta á ár­un­um 2011 til 2014.

Hagnaðarmiss­ir út­gerðanna hef­ur verið met­inn á rúma 2,6 millj­arða króna fyr­ir þessi fjög­ur ár. Hæstirétt­ur tel­ur að við út­hlut­un afla­heim­ilda hafi verið skylt að ákv­arða afla­hlut­deild á grund­velli veiðireynslu. Þáver­andi sjáv­ar­út­vegs­ráðherra tók hluta kvót­ans og út­hlutaði til frysti­skipa og annarra skipa. Útgerðir sem ekki höfðu aflað veiðireynsl­unn­ar fengu því hlut­deild.

Útgerðirn­ar tvær eru Ísfé­lag Vest­manna­eyja og Hug­inn. Þeim voru ekki dæmd­ar skaðabæt­ur og þurfa því að krefja ríkið um þær eða fara í skaðabóta­mál. Vinnslu­stöðin í Vest­manna­eyj­um og Eskja á Eskif­irði höfðuðu einnig sams­kon­ar mál en sam­komu­lag var um að láta þau bíða niður­stöðu hinna mál­anna, að sögn Sig­ur­geirs Brynj­ars Krist­geirs­son­ar, fram­kvæmda­stjóra Vinnslu­stöðvar­inn­ar. Hann seg­ir ljóst að sama niðurstaða verði í þeim.

Í frétta­skýr­ingu um mál þetta í Morgu­blaðinu í dag seg­ir Stefán A. Svens­son, lögmaður út­gerðanna,  að sér sýn­ist dóm­arn­ir hafa for­dæm­isáhrif vegna seinni tíma út­hlut­ana, það er að segja eft­ir það tíma­bil sem dóm­arn­ir taka til.

Tengd­ar frétt­ir

Mak­ríl­dóm­ar Hæsta­rétt­ar

Mak­r­íl­málið fer fyr­ir Hæsta­rétt

• Meta stöðuna í kjöl­far dóms Lands­rétt­ar
• Lands­rétt­ur lækk­ar bæt­ur til Vinnslu­stöðvar­inn­ar
• Menn geti rétt ímyndað sér af­komu mak­ríl­veiða
• Bjarni: „Spyrj­um að leiks­lok­um“

» Fleiri tengd­ar frétt­ir