Ekki náðist samkomulag um að stöðva karfaveiðar á Reykjaneshrygg og banna þessar veiðar 2020 og 2021 eins og Íslendingar lögðu til á ársfundi Norðaustur-Atlantshafsfiskveiðiráðsins (NEAFC) í London í síðustu viku.

Tillagan var í samræmi við ráðgjöf frá Alþjóðahafrannsóknaráðinu (ICES) um að engar veiðar skyldu stundaðar sökum alvarlegs ástands stofnanna, en slík ráðgjöf hefur verið gefin út af ICES síðan 2016.

Ekki náðist samkomulag um að stöðva veiðarnar og veldur því helst andstaða Rússa sem ekki viðurkenna mat ICES á stöðu þessara karfastofna, að því er fram kemur í Morgunblaðinu í dag.

Evrópusambandið (ESB) og Danmörk (vegna Færeyja og Grænlands) lögðu fram tillögu um að heimila 5.500 tonna veiðar úr neðri karfastofninum á Reykjaneshrygg árið 2020. Báðum tillögunum var hafnað í atkvæðagreiðslu. Ísland greiddi atkvæði gegn þeirri tillögu sem gengur gegn ráðgjöf ICES.

Tengdar fréttir

Karfaveiðar Rússa á Reykjaneshrygg

Hefna sín á Færeyjum fyrir að standa við samninga

• Norðmenn sjá rússneskum skipum fyrir olíu
• Færeyingar líklegir til að beita þvingunum á rússneska togara
• Færeyingar þrengja að rússneskum fiskiskipum
• Norebo veiðir friðaðan karfa á Reykjaneshrygg

» Fleiri tengdar fréttir