Samkomubannið setti svip sinn á opinn fund Samtaka fyrirtækja í sjávarútvegi um nýsköpun og sjávarútveg í morgun, en fundirnir í fundaröð samtakanna hafa verið nokkuð vinsælir og hefur verið húsfyllir á fyrri fundum.

Í stað þess að blása fundinn af var honum streymt á Youtube og sátu frummælendur og fundarstjóri í tómum salnum í Messanum í Sjóminjasafninu.

Ekki sjálfgefið að halda forskotinu

Það er ekki sjálfgefið að Íslendingar haldi samkeppnisforskoti sínu, sagði Berta Daníelsdóttir, framkvæmdastjóri Íslenska sjávarklasans, í erindi sínu. Telur hún mikilvægt að hlúa að rannsóknum og þeim stofnunum sem þeim sinna auk þess að örva samstarf þvert á greinar innan bláa hagkerfisins og laða til landsins fólk og fyrirtæki. Þá sagði Berta einnig grundvallaratriði að efla menntun og samræma vinnu á því sviði.

Guðmundur Hafsteinsson, sérfræðingur í nýsköpun, og Berta Daníelsdóttir, framkvæmdastjóri Sjávarklasans. Kristinn Magnússon

Berta sagði tækifæri vera falið í því að laða til landsins frumkvöðla á sviði bláa hagkerfisins með sama hætti og Danir hafa laðið til sín frumkvöðla á sviði þjarkatækni. „Þeir búa til innviði til þess að laða fólk til Kaupmannahafnar. Af hverju erum við ekki miðstöð fjármálamarkaðar í sjávarútvegi?“ spurði hún.

Frétt af mbl.is

Óvissa um fiskveiðistjórnun sögð hættuleg

Fjölmörg tækifæri er einnig að finna í jaðartegundum eins og í grjótkrabba, kúfskel, sæbjúgu, þang og þara, að sögn Bertu. „Það virðist vera þannig að til þess að ná í fjármagn í sjávarútvegi þá þarf það yfirleitt að tengjast á einhvern hátt bolfiskvinnslu. En þessar tegundir eru staðbundnar, þær eru ekki á flakki í kringum Ísland sem þýðir að við getum búið til ný atvinnusvæði á landsbyggðinni.“

Hún viðurkenndi það að einhverju kann að rætast ekki úr, en benti á að til þess að nýsköpunin eigi sér stað verður að láta á nýjunga reyna og læra af reynslunni.

Frétt af mbl.is

Þörungasvifið gæti reynst gullnáma

Tengdar fréttir

Nýsköpun og tækni í sjávarútvegi

Hefring hlaut Sigölduna

• Leita húsnæðis undir frumkvöðlasetur
• Fjárfesta 332 milljónum í Hefring
• Frumkvöðlar bláa hagkerfisins kynna nýsköpun
• Hugmyndafræði Sjávarklasans víða eftirsótt

» Fleiri tengdar fréttir

• Blogga um frétt