Greint var frá því í fyrradag að sannkallaður furðufiskur, gulur þorskur, hefði komið í land í Vest­manna­eyj­um með afla Dranga­víkur VE á þriðjudag. Sagði dr. Gunnar Jónsson fiskifræðingur að þarna væri á ferðinni eitt „magnaðasta helvíti úr sjó“ sem hefði fyrir augu hans borið.

Frétt af mbl.is

„Þetta er nú eitt magnaðasta helvíti úr sjó“

Óhætt er að segja að áhöfnin hafi bætt um betur í næstu veiðiferð, nú í vikunni, er dreginn var á land annar gulur fiskur, en í þetta sinn með svörtum flekkjum. „Ábyggilega er mun líklegra að fá stærsta lottóvinninginn en að draga furðafiska um borð á sama stað í tveimur veiðiferðum í sömu vikunni. Held ég skili bara lottómiðanum mínum!“ segir Kjartan Guðmundsson, skipstjóri á Drangavík VE í viðtali á heimasíðu Vinnslustöðvarinnar.

Báðir furðufiskarnir veiddust á svipuðum slóðum, um 9 mílum vestur af Surtsey. Haft er eftir Gunnari að þarna virðist vera „vistheimili fyrir erfðafræðilega afvegaleidda þorska“ sem sé sannarlega verðugt rannsóknarefni.

Tengdar fréttir

Furðufiskar

Óvæntur snigill frá N-Ameríku í Breiðafirði

• Landa sífellt meira af hinum ófríða snarphala
• Jónbjörn var enga stund að tegundargreina þverhyrnu
• Grannvaxinn og ófrýnilegur
• Var talin óæt og sögð hverfa við suðu

» Fleiri tengdar fréttir

• Blogga um frétt