Krefja ríkið um rúmlega 10 milljarða króna í bætur
Setja bókamerki
Sjö útgerðarfélög hafa krafið íslenska ríkið um skaðabætur vegna fjártjóns sem þau telja sig hafa orðið fyrir vegna úthlutunar makrílkvóta á árunum 2011 til 2018. Samtals nema kröfurnar um 10,2 milljörðum króna auk þess sem krafist er hæstu mögulegu vaxta.
Þetta kemur fram í svari Kristjáns Þórs Júlíussonar, sjávarútvegs- og landbúnaðarráðherra, við fyrirspurn Þorgerðar Katrínar Gunnarsdóttur, formanns Viðreisnar, sem birtist á vef Alþingis í gær.
Með tveimur dómum Hæstaréttar í desember 2018 var skaðabótaskylda íslenska ríkisins gagnvart tveimur útgerðarfélögum viðurkennd á þeim grundvelli að ranglega hefði verið staðið að úthlutun makrílkvóta á árunum 2011 til 2013.
Kröfur útgerðarfélaganna ná annars vegar til áranna 2011-2014 og hins vegar til tímabilsins 2015-2018. Frá og með makrílvertíð árið 2019 var aflaheimildum í makríl úthlutað eftir lögum sem samþykkt voru í júní það ár.
Útgerðarfélögin sjö eru Eskja hf., Gjögur hf., Huginn ehf., Ísfélag Vestmannaeyja hf., Loðnuvinnslan hf., Skinney-Þinganes hf. og Vinnslustöðin hf. Kröfur hvers félags fyrir sig eru á bilinu 328 milljónir króna og upp í 3.888 milljónir króna.
„Fáránleg græðgi og óbilgirni“
Kolbeinn Óttarsson Proppé, þingmaður Vinstri-grænna, tjáði sig um kröfurnar á facebooksíðu sinni og segir þær „forkastanlegar og til dæmis um fáránlega græðgi og óbilgirni“.
Hann segir gott að hafa í huga að dómarnir, sem kröfurnar byggjast á, fjölluðu ekki um að úthlutanir á makrílkvóta hefðu verið ósanngjarnar heldur að reglurnar um þær hefðu átt heima í lögum en ekki reglugerð.
„Þessar útgerðir verða dæmdar af verkum sínum, ef þær ætla að halda því til streitu að sælast eftir 10-15 milljörðum úr ríkissjóði (þegar vextir eru taldir með) í eigin vasa, í þeirri stöðu sem við nú erum í þar sem við þurfum hverja krónu til að komast saman í gegnum erfitt efnahagsástand,“ segir hann jafnframt.
Óttast að fólk fari aftur að eyða peningum
Beint: Eldgos hafið við Stóra-Skógfell
Búseta skortir byggingarlóðir
Tekist á um áður óþekkta skýrslu landlæknis
Sáu eldgosið brjótast út frá Snæfellsnesi
Átti ekki að láta pirring bitna á sjúklingi
Úlfar: Heppileg tímasetning á gosinu
Hvað gerðist eiginlega í VMA?