Fyrirtæki í sjávarútvegi dragi kröfu til baka
Setja bókamerki
Tengdar fréttir
Makríldómar Hæstaréttar
Katrín Jakobsdóttir forsætisráðherra segir það vekja reiði að sjávarútvegsfyrirtæki geri 10 milljarða skaðabótakröfu vegna makrílkvóta, sem þau telji sig hafa verið hlunnfarin um.
Sjö útgerðarfélög hafa krafið íslenska ríkið um skaðabætur vegna fjártjóns sem þau telja sig hafa orðið fyrir vegna úthlutunar makrílkvóta á árunum 2011 til 2018. Samtals nema kröfurnar um 10,2 milljörðum króna auk þess sem krafist er hæstu mögulegu vaxta.
„Þetta er ekki góð leið til að vekja samhug á þessum tímum,“ sagði Katrín í ræðustól á Alþingi í dag, á sama tíma og almenningur og fyrirtæki hefðu almennt sýnt mikla samstöðu í baráttunni við veiruna. Hún sagði að þótt hún teldi málstað ríkissjóðs vera góðan þá ættu fyrirtækin að íhuga að draga þessa kröfu til baka.
Undir þetta tók Bjarni Benediktsson fjármálaráðherra.„Við munum taka til fullra varna í deilunni,“ sagði Bjarni. „Ef svo ólíklega vill til að við töpum þá er alveg skýrt að reikningurinn verður ekki sendur skattgreiðendum. Hann mun koma frá greininni.“
Slasað barn fær ekki styrk vegna leigu á hjólastól
Um 3.800 flutt til landsins í ár
Innlend hópsýking lifrarbólgu B
Deilan enn í hnút eftir tveggja vikna verkföll
Önnur aurskriða við Eyrarhlíð
Glíma enn við eftirköst E.coli-smits í Efstadal
„Skjálftaklessa á milli Grímseyjar og Öxarfjarðar“
Jón „mun ekki koma nálægt meðferð hvalamálsins“
