„Þetta er rosalegt áfall,“ segir Telma Róbertsdóttir, annar eigenda Hrísey Seafood, en eldur kviknaði í frystihúsi fiskvinnslunnar í morgun. Telma bendir á að um sé að ræða stærsta vinnustaðinn á svæðinu. Mestu máli skipti að allir hafi komist heilir frá eldsvoðanum.

„Eftir því sem ég best veit er allt farið,“ segir Telma.

Hún og eiginmaður hennar festu kaup á fyrirtækinu í október í fyrra en hann er rétt ókominn til Hríseyjar. 

Tilkynnt var um mikinn eld í gamla frystihúsinu í Hrísey um klukkan fimm í morgun. Slökkviliðsmenn hafa náð tökum á eldinum og verið er að slökkva í síðustu glæðunum.

Samkvæmt slökkviliðsstjóra er suðurhluti frystihússins mikið brunninn en ágætlega gekk að verja norðurhlutann.

Tengdar fréttir

Eldsvoði í Hrísey

Eldsvoðinn líklega af mannavöldum

• Frítt í Hríseyjarferjuna út júní
• „Þetta er hræðilegt áfall en við ætlum að vera bjartsýn“
• Bruninn í Hrísey líklega íkveikja eða slys
• Langstærsti vinnustaðurinn brunninn

» Fleiri tengdar fréttir

• Blogga um frétt