Skemmtiferðaskipið Le Bellot, sem er annað tveggja skemmtiferðaskipa við Íslandsstrendur nú um mundir, varpaði akkeri úti fyrir Jökulsárlóni um hádegi í dag. Landhelgisgæslan segir þetta óvenjulegt, en löglegt.

RÚV greindi frá.

Í samtali við mbl.is segir vaktstjóri hjá Landhelgisgæslunni að skemmtiferðaskip á við þetta leggi það ekki í vana sinn að staldra við á þessum stað en að hann sjái ekkert ólöglegt við það. Farið er með farþega skipsins í stuttar skoðunarferðir á svæðinu í bátum en þeir eru ekki á leiðinni í land.

Að sögn vaktstjórans er skemmtiferðaskipið annað tveggja systurskipa sem eru nú stödd við landið. Þau fara hringinn í kringum það, taka meðal annars upp farþega hér á landi, en halda síðan áfram leið sinni.

Tengdar fréttir

Landhelgisgæslan

Mikið um að vera í stjórnstöð Landhelgisgæslunnar

• Enn er óráðið með útgerð varðskipa
• Annasamt hjá áhöfnum Landhelgisgæslunnar
• Eina tilboðið í slipptöku Freyju ógilt
• Bráðvantar bryta á Freyju

» Fleiri tengdar fréttir

• Blogga um frétt