Reyna að veiða humar á Breiðafirði
Setja bókamerki
Hafnar eru tilraunaveiðar á humri í gildrur á Breiðafirði. Verða þær stundaðar á bátnum Ingu P SH-423.
Skipstjóri á bátnum er Klemens Guðmundsson en útgerðarfélagið Kvika hefur tekið að sér veiðarnar fyrir Vinnslustöðina í Vestmannaeyjum.
Á mánudagskvöld var 71 gildra lögð norður af Bárðargrunninu. Fyrst voru gildrurnar lagðar án beitu til prufu, en síðan var dregið og beitt í þær og þær lagðar að nýju. Nú liggja þær því í sjó þangað til veður leyfir til þess að draga þær upp og vitja um afla.
Fimmtán faðmar á milli
Gildrurnar eru settar á leiðara og eru fimmtán faðmar á milli hverrar gildru. Beitt var síld sem veidd var á Færeyjamiðum.
Vinnslustöðin hefur verið með tilraunaveiðar í humargildrur út frá Suðurlandi með ágætum árangri. Þessar veiðar hafa hins vegar ekki verið reyndar áður í Breiðafirði svo nú bíða menn spenntir að sjá hvernig muni ganga.
Náðun stuðningsmanna Trump vekur ólík viðbrögð
Ráðast í átak eftir smitið á Mánagarði
MDE: Brotið á Jóhannesi í BK-44 máli
Ákvörðun Trumps veldur titringi
Vara við svindli í Zagreb
Viljum hvorki vera Danir né Bandaríkjamenn
Staðan alvarleg og stutt í aðgerðir
„Þetta er ógnvænleg staða“