Útvegs­spilið naut mik­illa vin­sælda á ár­un­um eft­ir að það kom út fyr­ir jól­in 1977. Fyrstu up­p­lög­in seld­ust upp og í seinni tíð hef­ur ein­ung­is verið hægt að fá notuð ein­tök sem gátu kostað á annað hundrað þúsund kr. sam­kvæmt til­kynn­ingu frá út­gef­anda. Nýtt upp­lag hef­ur verið fram­leitt og Kristján Þór Júlí­us­son, sjáv­ar­út­vegs­ráðherra, var einn fyrsti spil­ar­inn. 

Útgáf­unni var fagnað með hátíðlegri at­höfn þegar Stefán Sig­ur­jóns­son hjá Spila­borg af­henti Kristjáni Þór og Georgi Lárus­syni, for­stjóra Land­helg­is­gæsl­unn­ar, fyrstu spil­in við Reykja­vík­ur­höfn í morg­un.

Spilaþyrst­ir Íslend­ing­ar ættu lík­lega að hugsa sér gott til glóðar­inn­ar þar sem Útvegs­spilið skip­ar sér­stak­an sess í þjóðarsál­inni og hef­ur oft verið talað um að í því hafi verið lögð fyrstu drög að kvóta­kerf­inu.

Notuð spil seld­ust fyr­ir háar upp­hæðir en spilið var um ára­bil eitt hið vin­sæl­asta á land­inu. Ljós­mynd/​Aðsend

Þetta er tí­undað í til­kynn­ingu frá út­gef­anda þar sem áhuga­verð saga spils­ins er rak­in:

Hauk­ur gaf sér drjúg­an tíma í hönn­un spils­ins, regl­ur þess og út­lit allt, og var það loks fram­leitt í Kassa­gerðinni. Þótti það óhemju vandað að allri gerð þegar til kast­anna kom og viðtök­urn­ar létu ekki á sér standa. Útvegs­spilið reynd­ist vin­sæl­asta gjöf­in um jól­in 1977 og seld­ist fyrsta upp­lagið upp. Sömu sögu var að segja um annað upp­lag. Fyr­ir það fyrsta þótti spenn­andi ný­lunda að sjá svo veg­legt og vandað spil ís­lenskt að allri gerð, en ekki síður reynd­ist spilið svo spenn­andi að oft sátu spil­ar­ar við fram á rauðan morg­un. Kom það ekki síst til af því Hauk­ur bjó svo um hnút­ana að ekki gekk fyr­ir þátt­tak­end­ur að veiða gegnd­ar­laust held­ur eru tak­mörk á veiðinni í regl­un­um svo ein­hver vinni leik­inn að lok­um og spilið gangi upp. Höf­und­ur spils­ins tel­ur reynd­ar að þarna sé kom­in ákveðin frum­gerð að kvóta­kerf­inu svo­kallaða, fisk­veiðistjórn­un­ar­kerfi okk­ar Íslend­inga, enda sé til­gang­ur þess að stýra nýt­ingu auðlind­ar­inn­ar með skyn­sam­leg­um hætti. Hauk­ur og fé­lag­ar spiluðu reynd­ar hið ný­út­komna spil á sín­um tíma við þáver­andi sjáv­ar­út­vegs­ráðherra, Matth­ías Bjarna­son, og því vel mögu­legt að höf­und­ur­inn hafi þarna sitt­hvað fyr­ir sér.

Sem fyrr seg­ir seld­ust fram­leidd up­p­lög Útvegs­spils­ins upp og vin­sæld­ir þess næstu árin urðu gríðarleg­ar. Meira var hins veg­ar ekki fram­leitt og eft­ir því sem árin liðu tók þetta ást­sæla­spil á sig næsta goðsagna­kennd­an blæ. Þeir sem voru nógu heppn­ir að eiga spil lágu á sínu ein­taki sem orm­ar á gulli, á meðan stöku ein­tak rataði í Kola­portið eða viðlíka versl­an­ir í Reykja­vík. Oft freistuðu vongóðir safn­ar­ar gæf­unn­ar með því að aug­lýsa eft­ir heil­legu ein­taki, og ein­staka sinn­um bar vel í veiði. Ekki var þó kálið þar með sopið því sleg­ist var jafn­an um Útvegs­spilið þá sjald­an sem það rataði á eft­ir­markaðinn. Vel með farið ein­tak gat á end­an­um kostað langt á annað hundrað þúsund krón­ur. Ítök spils­ins í þjóðarsál­inni, sveipuð rós­rauðri fortíðarþrá, sáu hins­veg­ar til þess að ávallt ein­hver fús til að greiða fúlg­ur fjár fyr­ir spilið.

Höfðingj­ar að leik við út­gáfu fyrsta upp­lags Útvegs­spils­ins. Í dag var leik­ur­inn end­ur­tek­inn. Ljós­mynd/​Aðsend

Liðu svo árin og nú þegar komið er að 43 ára af­mæli Útvegs­spils­ins afræður ný kyn­slóð hug­um­stórra manna að taka slag­inn á ný, og gefa þetta geysi­vin­sæla spil út aft­ur ásamt Hauki, hinum upp­runa­lega höf­undi spils­ins. Þeirra á meðal er son­ur hans, Kristján Már. Hvergi hef­ur verið til sparað við end­urút­gáf­una held­ur er upp­runa­legri gerð spils­ins fylgt í þaula. Það er ein­fald­lega ekki í boði að stytta sér leið þegar um slíka þjóðarger­semi er að ræða. Því hef­ur að öllu leyti verið vandað sér­stak­lega til verka og er spilið fram­leitt á Íslandi.

Til­kynn­ingu lýk­ur.

Tengd­ar frétt­ir

Land­helg­is­gæsl­an

Mynd­skeið: Eyddu tund­ur­dufl­inu

• Söfnuðu 155 þúsund fyr­ir barna­spítal­ann
• LHG fylg­ist með haf­ísn­um
• Spara stór­fé með ol­íu­kaup­um ytra
• Mikið um að vera í stjórn­stöð Land­helg­is­gæsl­unn­ar

» Fleiri tengd­ar frétt­ir

• Blogga um frétt