Segir að útgerðin muni axla ábyrgð
Setja bókamerki
Tengdar fréttir
Kórónuveiran Covid-19
„Þetta eru bara mistök af okkar hálfu og við erum að biðjast velvirðingar á þeim, innilega. Það er enginn afsláttur af því. Okkur þykir þetta mjög miður; ömurlegt alveg.” Þetta sagði Einar Valur Kristjánsson, framkvæmdarstjóri Hraðfrystihússins Gunnvarar (HG), í samtali við mbl.is.
HG sendi frá sér yfirlýsingu í dag vegna hópsmitsins um borð í Júlíusi Geirmundssyni, en í yfirlýsingunni kemur fram það hafi verið mistök að tilkynna ekki grun um kórónuveirusmit um borð í skipinu til Landhelgisgæslunnar og láta þeim yfirvöldum eftir að meta hvort rétt væri að sigla skipinu til hafnar.
Einar segir að svo hafi ekki verið gert fyrr en að kórónuveirusmit hafi verið staðfest með sýnatöku. Skipstjóri skipsins hafi í staðin haft samband við sjúkrahúsið á Ísafirði, líkt og hafi verið gert í tugi ára þegar upp koma veikindi um borð.
„Þetta voru mistök af hálfu útgerðarinnar að fara ekki eftir þessum verkferlum sem við höfðum sett okkur og gert í samstarfi við sjómannafélögin og SFS,” segir Einar. Hann segir að útgerðin muni draga af þessu lærdóm og endurskoða verkferla.
Ekki verið að leita af blórabögglum
Í yfirlýsingu HG segir að fyrirtækið muni axla ábyrgð á þessum mistökum. Spurður um hvernig fyrirtækið muni axla ábyrgð segir Einar að þeir muni byrja á því að viðurkenna mistökin og draga lærdóm af þeim.
Ekki sé verið að leita að blórabögglum eða sökudólgum, heldur sé vinna í gangi innan fyrirtækisins að fara yfir atburðarásina, greina hvað skeði og finna út úr hvernig skal gera betur í framtíðinni. Einnig sé mikilvægt að byggja upp það traust sem glatast hefur vegna þessa máls.
/frimg/1/23/61/1236100.jpg)
Einar segir að ekki sé byrjað að ræða um hvort eitthvað verði gert til að bæta áhöfninni upp fyrir atvikið. „Fyrst og fremst þurfum við að greina það sem fór úrskeiðis og vinna úr því. Hugur okkar er hjá þeim sem veiktust og eru að glíma við veikindi. Það er það sem við erum að hugsa núna. Annað bíður seinni tíma.”
Í yfirlýsingu HG segir að það hafi ekki verið ætlun útgerðar eða skipstjóra að stefna heilsu og lífi áhafnar skipsins í hættu og að fyrirtækinu þyki það þungbært að sitja undir ásökunum um að ekki sé hugað nógu vel að heilsu og öryggi stafsmanna. Nú sé verkefnið að styðja við þá sem veiktust um borð, en Einar segir að sá stuðningur sé að mestu á vegum covid-teymisins á Ísafirði.
Tengdar fréttir
Kórónuveiran Covid-19
Mennirnir í haldi lögreglunnar á Suðurnesjum
Opin fyrir almennri kosningu biskups
Kostnaðurinn nemur allt að þremur milljörðum
Tímaspursmál hvenær framleiðslu verði hætt
Vantar fólk: „Þetta er gaman en það er ekki nóg“
„Trúlega rákumst við saman“
Segir forseta þingsins segja ósatt frá fundinum