Vest­manna­eyja­ferj­an Herjólf­ur er komin úr slipp, en gert er ráð fyrir að hann hefji reglubundnar siglingar milli Vestmannaeyja og Landeyjarhafnar á morgun. Þetta segir Guðbjartur Ellert Jónsson, framkvæmdastjóri Herjólfs ohf., í samtali við mbl.is. 

Frétt af mbl.is

Herjólfur í skoðun í slipp

„Hann kom í gærkvöldi og það er bara verið að gera hann kláran núna. Við gerum ráð fyrir að hann verði settur undir á morgun. Það er verið að tæma hann af þeim búnaði sem tókum með okkur til baka,“ segir Guðbjartur og bætir við að verið sé að gera mælingar og endurstilla búnað. 

Aðspurður segir hann að sigldar verði sex ferðir milli Landeyjarhafnar og Vestmannaeyja næstu vikur. „Það verður svoleiðis á meðan veður og sjólag er ekki að trufla okkur. Ef svo er þá verða þetta tvær ferðir á dag til Þorlákshafnar.“

Tengdar fréttir

Herjólfur

Gamli Herjólfur rétt ókominn til Eyja frá Færeyjum

• Herjólfur fer í slipp og sá gamli mun taka við
• „Mjög alvarleg bilun“
• Nýr samningur gerður um Herjólf
• Telur aðbúnað við Herjólf vítaverðan

» Fleiri tengdar fréttir

• Blogga um frétt