Herjólfur fer í slipp og sá gamli mun taka við
Setja bókamerki
Stefnt er að því að ferjan Herjólfur fari í slipp um miðja næstu viku. Á miðvikudag kom í ljós bilun í skrúfubúnaði skipsins og er því önnur skrúfa skipsins óvirk. Gamli Herjólfur [Herjólfur III] tekur við keflinu á meðan.
Þetta segir Hörður Orri Grettisson, framkvæmdastjóri Herjólfs, í samtali við mbl.is.
Ekki er komin endanleg dagsetning á það hvenær Herjólfur fer í slipp en Hörður segir að reiknað sé með því að skipið fari í slipp í Hafnarfirði um miðja næstu viku.
Siglir á annarri skrúfunni
„Núna er blíðskaparveður þannig skipið er að sigla til Landeyjarhafnar á annarri skrúfunni en siglir hins vegar bara tvær ferðir á dag vegna bilunar,“ segir Hörður og bætir því við að dýptarmæling hafi verið gerð í gær í Landeyjarhöfn sem leiddi í ljós að dýpið var ekki nógu mikið til að hægt var að sigla allan daginn.
„Skipið þarf því að sigla á háflóði, eiginlega há-háflóði, inn í Landeyjarhöfn vegna ónægs dýpis.“
Sala dísil- og bensínbíla eykst
„Eyddi nánast allri nóttina í þetta“
Olíufélögin fái milljarða í afslátt frá borginni
Einn handtekinn út af þjófnaðinum í Hamraborg
Afkoma borgarinnar 13 milljörðum undir áætlun
Hluti peninganna kominn í leitirnar
Ekki tekið heiðarlegt samtal við ríkisstjórnarborðið