Engar rækjuveiðar á Skjálfanda
Setja bókamerki
Hafrannsóknastofnun leggur til að rækjuveiðar verði ekki heimilaðar í Skjálfanda fiskveiðiárið 2020/2021 vegna varúðarsjónarmiða, að því er segir í tilkynningu á vef stofnunarinnar.
Þar segir að stofnvísitala rækju í Skjálfanda hafi haldist lág frá árinu 1999, fyrir utan árin 2011 og 2012. Niðurstöður stofnmælingar sem Hafrannsóknastofnun framkvæmdi í haust gaf til kynna að rækjustofninn í Skjálfanda er undir skilgreindum varúðarmörkum.
Bent er á að stofnmælingin í nóvember hafi ekki farið fram „við kjöraðstæður þar sem stormur og norðanáttir voru ríkjandi á þessum tíma. Tekin var full könnun ásamt tveimur aukatogum austarlega í flóanum.“
Tengt þorski og ýsu
Fram kemur í tilkynningunni að vísitala þorsks á þessu ári sé hæsta frá árinu 2012, vísitala ýsu sú hæsta frá árinu 2009 og vísitala ýsuseiða sú næsthæsta frá árinu 1993. „Má því búast við að vísitala rækju á svæðinu muni ekki hækka í bráð.“
Rækjustofninn stendur víða höllum fæti og ráðlagði Hafrannsóknastofnun í ágúst að engar rækjuveiðar yrðu stundaðar við Eldey, auk þess hefur stofninn í Arnarfirði verið sagður nálægt sögulegu lágmarki.
Veita fyrirtækjum brú yfir óvissutímabil
Um 70 jarðskjálftar í kvikuganginum
„Bíð bara eftir að það fari að gjósa aftur“
Vantar fólk: „Þetta er gaman en það er ekki nóg“
Mennirnir í haldi lögreglunnar á Suðurnesjum
Myndskeið: Hátt í 140 lömb á tveimur sólarhringum
„Ég hélt ég myndi deyja, með dóttur mína í bílnum“
Segir forseta þingsins segja ósatt frá fundinum