Stofnstærð humars minnkað um 27%
Setja bókamerki
Hafrannsóknastofnun ráðleggur að afli ársins 2021 verði ekki meiri en 143 tonn svo fylgjast megi með stærðarsamsetningu og dreifingu stofnsins, að því er segir í tilkynningu á vef stofnunarinnar. Einnig er lagt til að allar humarveiðar verði bannaðar í Jökuldjúpi og Lónsdjúpi til verndar uppvaxandi humri.
Jafnframt telur stofnunin að veiðar með fiskibotnvörpu eigi áfram að vera bannaðar á afmörkuðum svæðum í Breiðamerkurdjúpi, Hornafjarðardjúpi og Lónsdjúpi til að minnka álag á humarslóð.
Fram kemur í tilkynningunni að stofnstærð humars í stofnmælingu 2020 minnkaði um 27% frá árinu 2016. Á sama tíma hefur veiðihlutfall minnkað úr 1.9% í 0.4%. Þéttleiki humarholna við Ísland mælist nú með því lægsta sem þekkist meðal þeirra humarstofna sem Alþjóðahafrannsóknaráðið (ICES) veitir ráðgjöf um.
Fyrirliggjandi gögn benda til að nýliðun sé í sögulegu lágmarki og að árgangar frá 2005 séu mjög litlir. Verði ekki breyting þar á má búast við áframhaldandi minnkun stofnsins.
Aflétta rýmingu ef spá gengur eftir
Viljum hvorki vera Danir né Bandaríkjamenn
„Sársauki okkar er nístandi“
Viðurkennir ábyrgð og segir af sér
Ekki of seint að fá inflúensusprautuna
Íbúar komnir heim á ný
Staðan alvarleg og stutt í aðgerðir