Hérðasdómur Reykjavíkur sýknaði íslenska ríkið af kröfum Félags makrílveiðimanna á miðvikudag og kveðst félagið nú íhuga hvort áfrýja eigi niðurstöðunni til Landsréttar.

Höfðaði félagið málið vegna ákvörðunar 2019 um að kvótasetja veiðar á makríl. Segja makrílveiðimenn gjörninginn ólöglegan þar sem Alþingi ákvað að hafa viðmiðunartímabil veiðireynslu á makríl, sem var forsenda úthlutunar kvóta, mun lengra en almenn lög gera ráð fyrir.

„Var þetta gert til að færa heimildir frá minni útgerðum til stærri útgerða sem unnu mál gegn ríkinu fyrir hæstarétti í lok árs 2018,“ fullyrðir félagið í fréttatilkynningu.

„Félagið túlkar dóminn þannig að það sé málefnlegt og löglegt markmið með lagasetningunni að færa fjármuni frá smábátaútgerðum til uppsjávarútgerðanna til að kaupa þá síðarnefndu frá skaðabótamálshöfðunum vegna mistaka ráðherra árið 2011. Málefnalegt er því að hengja lítinn bakara fyrir smið ef það þjónar fjárhagslegum hagsmunum ríkisins,“ segir í tilkynningunni.

Frétt af mbl.is

Félag makrílveiðimanna stefnir íslenska ríkinu

Tengdar fréttir

Makríldómar Hæstaréttar

Menn geti rétt ímyndað sér afkomu makrílveiða

• Bjarni: „Spyrjum að leikslokum“
• Ríkið hafnaði sátt og tapaði
• Ríkið dæmt í milljarða makrílbætur
• Tjón Hugins metið 540 milljónir í máli gegn ríkinu

» Fleiri tengdar fréttir

• Blogga um frétt