Kaupa vinnslu á Spáni fyrir 2,2 milljarða
Setja bókamerki
Iceland Seafood International hf. (ISI) stefnir að því að festa kaup á 80% hlut í spænska laxvinnslufyrirtækinu Ahumados Dominguez, en viljayfirlýsing þess efnis var undirrituð á mánudag. Ætla má að kaupverðið nemi um 14,96 milljónum evra sem er jafnvirði um 2,2 milljarða íslenskra króna.
Fram kemur í tilkynningu ISI til kauphallarinnar að velta Ahumandos Dominguez á árinu 2020 nam 19,3 miljónum evra sem er jafnvirði 2,8 milljarða íslenskra króna. Þá nam hagnaður fyrir skatta og fjármagnsliði 1,7 milljónir evra, jafnvirði 252 milljóna króna. Kaupverð félagsins er sagt vera 8,8 sinnum hagnað fyrir skatta og fjármagnsliði og stendur til að greiða fyrir félagið með samruna skulda og hlutafé.
Þá segir að Pedro Mestanza, framkvæmdastjóri spænska félagsins, muni fara með 20% eignarhlut og halda áfram starfi sínu fyrir spænska félagið verði af kaupunum.
„Ahumados Dominguez er smásölufyrirtæki með sterkt vörumerki fyrir reyktan lax sem er þekkt meðal neytenda á Spáni. Ahumados Dominguez vörumerkið er þekkt fyrir mikil gæði. Fyrirhuguð kaup munu styrkja stöðu Iceland Seafood á spænska smásölumarkaðnum og skapa tækifæri til að nýta sér þann vettvang sem Ahumados Dominguez hefur til að selja hágæða þorskafurðir frá Íslandi. Með yfirtökunni mun Iceland Seafood koma inn í laxageirann á Spáni en lax og lýsa er helsta tegund á spænska markaðnum,“ segir í tilkynningunni.
/frimg/1/24/68/1246836.jpg)
María Sigrún svarar Degi fullum hálsi
Spá launahækkunum nokkuð umfram kjarasamninga
Kristrún og Bjarni tókust hart á um efnahagsmálin
Hvernig er vitað að þessi kona átti þetta barn?
Mældist á 174 km hraða í gegnum vinnusvæði
„Farnir að halda verðbólgunni uppi“
Vill ekki „aumingjalegar“ lækkanir á röngum tíma