Rússnesk herskip innan lögsögunnar
Setja bókamerki
Stjórnstöðvar Landhelgisgæslunnar í Reykjavík og á öryggissvæðinu á Keflavíkurflugvelli urðu varar við umferð þriggja óþekktra skipa innan íslensku efnahagslögsögunnar fyrr í mánuðinum. Skipin voru þó utan landhelginnar. Þetta segir í tilkynningu frá Landhelgisgæslunni.
Segir í tilkynningunni að varðskipið Þór hafi fylgst með ferðum eins skipsins í ratsjá. Einnig voru þyrlur Landhelgisgæslunnar í tvígang sendar til að bera kennsl á hin skipin tvö.
Við athugun Landhelgisgæslunnar kom í ljós að öll skipin voru rússnesk og á vegum rússneska flotans.
Íslensk fiskiskip tilkynntu um ferðir skipanna til Landhelgisgæslunnar en tvö skipanna munu hafa verið austan við landið og eitt á siglingu norður af landinu.
Hafa yfirgefið efnahagslögsöguna
„Þrátt fyrir að skipin hafi verið innan efnahagslögsögunnar voru þau á alþjóðlegu hafsvæði með tilliti til siglinga og annarra athafna. Landhelgisgæslan fylgdist með ferðum skipanna sem yfirgáfu efnahagslögsöguna nokkrum dögum síðar,“ segir að lokum.
Viljum hvorki vera Danir né Bandaríkjamenn
Ekki tekist að vernda börn þrátt fyrir vitneskju
Stefnt að afgreiðslu Íslandsbankasölu á vorþingi
Inga Sæland fyrir og eftir ráðherrastólinn
Íbúar komnir heim á ný
Bendir hveitifyrirtæki á kærumöguleika
Ætla ekki að skila peningnum
„Sársauki okkar er nístandi“