Íslenskt togskip staðið að meintum ólöglegum veiðum
Setja bókamerki
Tengdar fréttir
Eftirlit með veiðum
Íslenskt togskip var staðið að meintum ólöglegum veiðum innan lokaðs svæðis austur af Glettingi um hádegisbil í gær.
Varðstjórar í stjórnstöð Landhelgisgæslunnar urðu varir við að skipið væri að veiðum innan reglugerðasvæðis 742/2021 þar sem allar veiðar með fiskbotnvörpu hafa verið bannaðar frá 1. júlí til áramóta, að því er Landhelgisgæslan greinir frá.
Fram kemur í tilkynningu, að áhöfnin á TF-GNA, þyrlu Landhelgisgæslunnar, hafi verið kölluð út og send austur til að kanna málið. Sigmaður þyrlunnar fór um borð, skoðaði afladagbók og gerði skipstjóra togskipsins að halda til hafnar til frekari rannsóknar. Lögregla tók skýrslu af skipstjóranum við komuna til hafnar síðdegis í gær að sögn Gæslunnar.
Landhelgisgæslan vill brýna fyrir skipstjórum að kynna sér vel lokuð svæði áður en haldið er til veiða. Á vef Fiskistofu má finna allar upplýsingar um slík svæði.
Tengdar fréttir
Eftirlit með veiðum
Ráðamenn þurfa að hafa búið áður á staðnum
Varnarmál í norðri munu fá meira vægi
Hefði mjög gjarnan viljað hitta hann
60 þúsund byggingar taldar í hættu
Enginn fundur á dagskrá og stefnir í verkföll
Bregðast við: Framtíð Grænlands „ræðst í Nuuk“
Ísland mun styðja við uppbyggingu í lok stríðs
Vill að flokksþingi verði flýtt