Skipstjóra var ekki kunnugt um veiðibannið
Setja bókamerki
Tengdar fréttir
Eftirlit með veiðum
Það var Vestmananey VE-054, skuttogari Bergs-Huginn ehf. dótturfélags Síldarvinnslunnar, sem staðið var að meintum ólöglegum veiðum á lokuðu svæði í gær. Skipstjóranum var ekki kunnugt um að svæðinu hafði verið lokað. Þetta kemur fram í tilkynningu á Facebook-síðu Síldarvinnslunnar.
Varðstjórar í stjórnstöð Landhelgisgæslunnar urðu um hádegisbil í gær varir við að skipið væri að veiðum á Glettinganesgrunni við Seyðisfjarðardjúp þar sem allar veiðar með fiskbotnvörpu hafa verið bannaðar frá 1. júlí til áramóta.
Í tilkynningu Síldarvinnslunnar segir að Vestmannaey hafi verið á veiðum „á Glettinganesgrunni í svokölluðum Skáp. Við skoðun kom í ljós að tímabundið bann við veiðum með botnvörpu hafði verið sett á umrætt svæði með reglugerð í lok júní sl. en skipstjóra var ekki kunnugt um reglugerðina eða að svæðinu hefði verið lokað.“
Þá var skipinu snúið við og haldið til Neskaupstaðar þar sem landað var úr því. „Virðist hafa farist fyrir hjá þar til bærum yfirvöldum að birta reglugerð um tímabundið bann á samráðsgátt eins og vænta mátti. Skýrslutöku vegna málsins er lokið og ráðgert er að Vestmannaey haldi á ný til veiða síðar í dag,“ segir í tilkynningunni.
Vísar Síldarvinnslan til þess að enn hefur atvinnuvega- og nýsköpunarráðuneytið ekki birt niðurstöðu úr samráðsferli í samráðsgátt stjórnvalda vegna reglugerðar um tímabundið bann við veiðum með fiskibotnvörpu út af Glettinganesi, þrátt fyrir að niðurstöður hafa verið í vinnslu frá 13. júní. Auk þess hefur ekki verið birt tilkynning á vef Fiskistofu.
Rétt er þó að vekja athygli á að reglugerðin var birt á reglugerðarvef stjórnvalda 23. júní.
Tengdar fréttir
Eftirlit með veiðum
Afhendir yngri kynslóðum keflið
Hagkerfið kólnar hratt og vilja sjá vaxtalækkun
Stafræna byltingin étur börnin sín
Leitaði að upplýsingum um Kennedy-morðið
Stórfyrirtæki stefna á starfsemi í Breiðholti
Lögin leyfi fólki ekki að flýja sögu sína
Segir aðferðafræði Seðlabankans ekki að virka