Þægilegt að ná í síldina

Hálfdan Hálfdanarson, skipstjórinn á Berki NK, segir enga breytingu á því hvar síldin heldur sig en veiðin hefur farið fram út af Héraðsflóanum. Segir hann stutt að fara og yfirleitt nóg af síld en Börkur NK kom með 1.300 tonn af síld í morgun. Var þá lokið við að landa 1.100 tonnum úr Beiti NK í gær.

Þetta kemur fram á vef Síldarvinnslunnar.

 „Aflann í þessari veiðiferð fengum við í fimm holum. Það fiskaðist vel en við þurftum að gera hlé á veiðunum í eina 20 tíma vegna brælu. Nú er Börkur búinn að veiða rúm 6.000 tonn á vertíðinni og það hefur verið afar þægilegt að ná í þetta,“ er haft eftir Hálfdani.

• Blogga um frétt