Freyja brátt til Siglufjarðar
Setja bókamerki
Freyja, nýtt varðskip Landhelgisgæslu Íslands, er nú komin til hafnar í Rotterdam í Hollandi þar sem hún er máluð í einkennislitum Landshelgisgæslunnar. Þá fóru prófanir fram á skipinu í síðustu viku og gengu þær vel. Í kjölfarið fór skipið í slipp.
Afhending til Landhelgisgæslunnar er áætluð í næstu viku og gert er ráð fyrir að skipið sigli í heimahöfn á Siglufirði 6. nóvember.
Varðskipið nýja verður svipað að stærð og Þór og styrkir þar með flotann sem sinnir löggæslu í landhelgi Íslands og leit og björgunarstörfum við krefjandi aðstæður á hafsvæðum umhverfis Ísland og jafnvel víðar.
Freyja býr þó yfir nokkuð meiri dráttar- og björgunargetu heldur en Þór. Freyja er 86 metrar að lengd og 20 metrar að breidd.
Freyja mun leysa varðskipið Tý af hólmi sem komið er til ára sinna.
Skipið var smíðað í Suður-Kóreu árið 2010 og hét fyrst Vittoria, svo GH Endurance. Áfram verður Þór með heimahöfn í Reykjavík.
Kölluðu til lögreglu á mótmæli Eflingar í Kringlu
60 þúsund byggingar taldar í hættu
Þyngra en tárum taki
Ísland mun styðja við uppbyggingu í lok stríðs
Hefði mjög gjarnan viljað hitta hann
„Maður er að anda að sér eignum fólks“
Áhrif örvandi fíkniefna meginorsök banaslyss