Stöðvuðu flutningaskip vegna gervihnattamynda
Setja bókamerki
Landhelgisgæslan stöðvaði í dag erlent flutningaskip á leið sinni til Íslands vegna grun um að mengun stafaði frá skipinu. Tilkynningin barst frá EMSA, Siglingaöryggisstofnun Evrópu, en gervitunglamyndir úr 700 kílómetra hæð vöktu athygli stofnunarinnar.
Viðvörunin var metin þess eðlist að mikilvægt þótti að ganga úr skugga um að skipið væri ekki enn að menga þegar það kæmi nálægt landi með þeim afleiðingum að olíumengaður sjór bærist í fjörur.
Bæði þyrlu- og séraðgerðasveitin á varðbátnum Óðni voru kallaðar út en áhöfn skipsins ásamt sérfræðingi á vegum Umhverfisstofnunar gengu úr skugga um að enginn olíuleki væri sjáanlegur frá skipinu.
Nánari athugun framkvæmd í höfn
Að því loknu var skipinu heimilað að halda áfram leið sinni til hafnar þar sem hafnarríkiseftirlit Samgöngustofu tók skipið til nánari skoðunar.
Áhöfn þyrlu Landhelgisgæslunnar kom auga á olíuflekki á siglingaleið skipsins, norðan og vestamegin við Garðskaga, og tók varðbáturinn Óðinn sýni þar. Þau sýni verða send erlendis til frekari greiningar.
Ekkert nýtt að nota gervihnattamyndir
Samkvæmt tilkynningu Landhelgisgæslunnar er skoðun gervihnattamynda daglegt brauð en þá þurfi að rannsaka og greina þær. Auk þess þurfi ganga úr skugga um hvort mengunin sé vegna náttúrulegra atvika eða hvort um aðskotahluti sé að ræða.
„Þess má geta að gervitunglamyndin sem barst í gær var tekin í um 700 kílómetra hæð og mengunarflekkurinn sem gervitunglið nam stemmdi við siglingaleið umrædds skips,“ segir í tilkynningu gæslunnar.
„Þetta er auðvitað í höndum kennara núna“
Fjölmiðlafólk rekið út
Spáin að ganga eftir: Stormur, rigning og asahláka
Þörf fyrir tvöfalt fleiri augnskurðlækna
Funda í Karphúsinu
Er bókin ónothæf eða góð yfirferð?
Hvorki Danir né Bandaríkjamenn að grínast