Stórir þyrludrónar til landsins á næsta ári
Setja bókamerki
Stefnt er að því að Landhelgisgæslan taki í notkun öfluga þyrludróna í tilraunaskyni í fjóra mánuði á næsta ári. Þessi loftför verða gerð út frá varðskipunum og er hægt að stýra þeim úr 50 kílómetra fjarlægð. Þetta kemur fram í viðtali við Georg Lárusson, forstjóra Landhelgisgæslunnar, í blaði 200 mílna sem fylgdi Morgunblaðinu um helgina.
„Við höfum unnið að því hörðum höndum að fá slíkt tæki um borð í tilraunaskyni í samstarfi við EMSA, siglingaöryggisstofnun Evrópu, sem hefur tekið vel í beiðnina. Dróninn sem við gerum ráð fyrir að fá er af gerðinni Schiebel S-100. Hann er 3,2 metrar að lengd og vegur 200 kg. Tækið getur flogið í um 50 km frá varðskipinu og í um 3.000 feta hæð. Drónanum yrði stýrt frá skipinu en myndbandi, staðsetningu og fleiru yrði streymt í stjórnstöð Landhelgisgæslunnar í Skógarhlíð,“ segir Georg í viðtalinu.
„Þetta er afar spennandi verkefni. Við fengum mannlaust flygildi í samstarfi við EMSA hingað til lands árið 2019 sem gert var út frá Egilsstaðaflugvelli. Það gekk vel og við bindum miklar vonir við að þyrludróni frá varðskipi gefi sömuleiðis góða raun,“ útskýrir hann.
Georg telur tæki sem þessi geta stóraukið eftirlitsgetu Landhelgisgæslunnar. Ennig megi „leiða líkum að því að eldsneyti sparist þar sem ekki þarf að sigla milli skipa.“
Gætu verið án rafmagns í viku
„Hefur tekist að virkja fólkið í landinu með okkur“
Hafa fengið ábendingar um meinta barnaníðinga
Nítján vélum Icelandair seinkaði
„Svakalega öflug lægð“
Sviptur leyfi eftir hundamisnotkun
Jóvin veldur usla: Mesti vindhraði í sögu landsins
Bráðabirgðalögbann á Trump