Fyr­ir­hugað er að selja varðskip­in Ægi og Tý, sem ekki eru leng­ur í notk­un á veg­um Land­helg­is­gæsl­unn­ar. Áður en tek­in verður ákvörðun um næstu skref í sölu­ferl­inu hafa Rík­is­kaup óskað eft­ir hug­mynd­um um nýt­ingu skip­anna og lík­legt sölu­verðmæti. Boðið verður upp á skoðun­ar­ferð í næstu viku.

Varðskipið Ægir var smíðað í Ála­borg 1968 og er 70,1 metri að lengd, og 10 metr­ar á breidd. Týr var smíðaður í Árós­um 1975 og er 71,5 metr­ar að lengd og 10 metr­ar á breidd. Í byrj­un þessa árs gáfu fjög­ur fyr­ir­tæki sig fram þegar Rík­is­kaup óskuðu eft­ir til­boðum og góðum hug­mynd­um um nýt­ingu Ægis. Meðal hug­mynda var að nýta skipið fyr­ir snjóflóðasafn á Flat­eyri.

Bil­an­ir og bráðaviðgerð

Í frum­varpi til fjár­auka­laga er gerð til­laga um 59,3 millj­óna króna fjár­veit­ingu vegna bil­un­ar og bráðaviðgerðar á varðskip­inu Tý. Þór var gerður út í stað Týs meðan á viðgerð stóð. Útgjöld fólust ann­ars veg­ar í hærri rekstr­ar­kostnaði við Þór en skipið er stærra en Týr og ol­íu­eyðsla meiri. Hins veg­ar fólust út­gjöld í viðgerð og slipp­töku.

Frétt af mbl.is

Varðskipið Týr lauk sinni síðustu ferð í dag

Tengd­ar frétt­ir

Land­helg­is­gæsl­an

Mynd­skeið: Eyddu tund­ur­dufl­inu

• Söfnuðu 155 þúsund fyr­ir barna­spítal­ann
• LHG fylg­ist með haf­ísn­um
• Spara stór­fé með ol­íu­kaup­um ytra
• Mikið um að vera í stjórn­stöð Land­helg­is­gæsl­unn­ar

» Fleiri tengd­ar frétt­ir