Þegar starfsmenn fiskvinnslu Vísis hf. mættu til vinnu í morgun blasti við þeim fótalaug fremur en frystihús. 

Töluvert vatn flæddi upp á land í Grindavík og inn í fiskvinnslu Vísis hf. 

Bogi Adolfsson, formaður björgunarsveitarinnar Þorbjarnar, er á svæðinu en liðsmenn sveitarinnar aðstoða nú slökkviliðið við að dæla vatni úr vinnslunni. Hann telur að vatnið sé í kringum 20 til 40 sentímetra hátt sem stendur. 

Talið er að samverkandi áhrif stórstreymis og bilunar á dælubúnaði séu valdur að því hve umfangsmikið flóðið varð. 

mbl.is/Eggert Jóhannesson

Flóðið í Grindavík flæddi inn í frystihús mbl.is/Eggert Jóhannesson

Beint í þrifgallann

„Nú er verið að bjarga því sem bjargað verður,“ segir Pétur Hafsteinn Pálsson, framkvæmdastjóri Vísis hf. 

Hann telur ljóst að tjón hefur orðið en þá helst á fiski og afurðum. Búnaður vinnslunnar sé sterklega byggður og skrifstofur eru á efri hæð. Þá kunna að hafa orðið einhverjar skemmdir á innréttingum í starfsmannarýminu, en helsta tjónið sé fólgið í rekstrarstöðvun og afurðartjóni. 

„Starfsfólkið bíður bara á kaffistofunni þar til búið er að dæla vatninu út, þá fara allir í þrifgallann að skúra hátt og lágt.“

Pétur býst við því að framleiðsla hefjist aftur á morgun eða þá á laugardag. 

Tengdar fréttir

Óveður 6. janúar

Flóðið olli miklu tjóni í Grindavík

• Safna bárujárni eftir að hlið fjárhúss fauk
• Laust skilti á Kársnesi
• Vinnupallur sem fór af stað
• 100 verkefni – luku störfum klukkan 4

» Fleiri tengdar fréttir

• Blogga um frétt