Bandaríkin hyggjast banna innflutning á rússneskum sjávarafurðum sem hluta af nýjum viðskiptaþvingunum vegna innrásarinnar í Úkraínu. Þetta herma heimildir Wall Street Journal.

Búist er við að Joe Biden, forseti Bandaríkjanna, tilkynni ákvörðunina á blaðamannafundi þar vestra í dag. Þá herma heimildir Wall Street Journal einnig að nýju hömlurnar muni ná til áfengis.

Rússland var 2021 áttundi stærsti innflytjandi sjávarafurða til Bandaríkjanna og seldu Rússar afurðir þangað fyrir 1,2 milljarða bandaríkjadali, að því er segir í umfjöllun Undercurrent News. Þá hefur rússneskur hvítfiskur meðal annars verið í samkeppni við íslenskan á þessum markaði og er spurning hvort þessi ákvörðun muni leiða til verðhækkana.

Fulltrúar rússneskra sölufyrirtækja vildu ekki tjá sig við 200 mílur á þessu stigi þar sem staðan er talin viðkvæm og mikil óvissa er uppi.

Ekki er vitað til þess að Evrópusambandið hafi til skoðunar sambærilegt bann.

Tengdar fréttir

Úkraína

Segir hergögn á leiðinni til Úkraínu

• Blinken kominn til Úkraínu – Rússar herða sókn
• Myndi leyfa kjarnavopn í Svíþjóð á stríðstímum
• Skutu niður 31 úkraínskan dróna í nótt
• Rússagrýlan í brennidepli í Litháen

» Fleiri tengdar fréttir

Rússland

Pútín leggur óvæntan ráðherrakapal

• Pútín hótar aftur kjarnavopnum
• Rússneskur maður ákærður fyrir hryðjuverk
• Selenskí á lista yfir eftirlýsta glæpamenn
• Aflýsa flugferðum: Aukin hætta talin á flugslysum

» Fleiri tengdar fréttir

• Blogga um frétt