„Það er ólíðandi og til skammar að ríkisvaldið sjái ekki sóma sinn í að semja við flugmenn LHG,“ segir í yfirlýsingu frá samtökum íslenskra sjómanna vegna skertar þjónustu þyrlusveita Landhelgisgæslunnar.

Í yfirlýsingunni er vakin athygli á að nokkur tilvik hafi komið upp þar sem ekki hafi verið hægt að sækja veika og slasaða sjómenn á haf út, nema þeir séu innan við 20 sjómílúr frá landi. „Einnig hefur komið fyrir að engin þyrla sé til taks þegar þörf er á. Nú síðast í fyrradag vegna alvarlegs umferðarslyss.“

Frétt af mbl.is

Einn fluttur á sjúkrahús eftir umferðarslys

„Mínútur skipta máli“

Undir yfirlýsinguna skrifa formenn Félags skipstjórnarmanna, VM – félags vélstjóra og málmtæknimanna, Sjómannasambands Íslands, Sjómanna- og vélstjórafélags Grindavíkur og og Sjómannafélags Íslands.

Benda samtökin á að þegar ein þyrla er til taks fari hún ekki lengra frá landi en 20 sjómílur. „Ef skip eru utan 20 sjómílna markanna þurfa þau að sigla til móts við þyrlu með hinn slasaða eða veika. Mínútur skipta máli í þessu sambandi hvað þá klukkustundir eins og dæmi eru um. Samtök sjómanna minna á skýrslu Ríkisendurskoðunar um Landhelgisgæslu Íslands – úttekt á verkefnum og fjárreiðum,“ segir í yfirlýsingunni.

Frétt af mbl.is

Flugstjóri kallaður fyrr á vaktina vegna útkalls

Tvær þyrlur á öllum stundum

Þá segir að um „grafalvarlegt mál“ sé að ræða sem „getur skipt sköpum fyrir líf og heilsu Íslenskra sem og erlendra sjómanna.“ Vegna þessa sé það „skýlaus krafa samtaka sjómanna að stjórnvöld sjái til þess að LHG hafi nægt rekstrarfé til að manna alltaf tvær þyrlur og að þær séu til taks öllum stundum.“

Telja sjómenn mörg dæmi sýna nauðsyn þess að „sjúkrabíll hafsins“ nái til allra þeirra sem þurfa á aðstoð að halda á sem skemmstum tíma allan ársins hring.

Að lokum minna samtök sjómanna á að flugmenn Landhelgisgæslu Íslands séu með lausa kjarasamninga sem hafa verið lausir í álíka langan tíma og kjarasamningar sjómanna.

Björgunaræfing Landhelgisgæslunnar. mbl.is/Árni Sæberg

Tengdar fréttir

Öryggi sjófarenda

Líklega hjálmi að þakka að ekki fór verr

• Skipum fækkar ef fjármagn fæst ekki
• Dýrt að reka eina vél
• Áhyggjur meðal sjómanna af Gæslunni
• Stutt við kaup á nýju björgunarskipi

» Fleiri tengdar fréttir

Landhelgisgæslan

Spara stórfé með olíukaupum ytra

• Mikið um að vera í stjórnstöð Landhelgisgæslunnar
• Enn er óráðið með útgerð varðskipa
• Annasamt hjá áhöfnum Landhelgisgæslunnar
• Eina tilboðið í slipptöku Freyju ógilt

» Fleiri tengdar fréttir

• Blogga um frétt