Eyþór annar Íslendinga sem útskrifast úr skólanum
Setja bókamerki
Tengdar fréttir
Fólkið í sjávarútvegi
Eyþór Óskarsson, stýrimaður og varðstjóri hjá Landhelgisgæslunni, frá Stykkishólmi varð á miðvikudag annar Íslendinga til að útskrifast úr skóla bandarísku strandgæslunnar, US Coast Guard Academy. Eyþór hefur undanfarin fjögur ár stundað nám í stjórnun við skólann sem staðsettur er í New London í Connecticut ríki, en þaðan útskrifast verðandi stjórnendur bandarísku strandgæslunnar, upplýsir Landhelgisgæsla Íslands.
Fyrir tilstuðlan Landhelgisgæslunnar fékk Eyþór skólavist við skólann árið 2018 og er hann einn af níu erlendum nemendum sem útskrifuðust. Alls útskrifuðust 252 nemendur sem er mesti fjöldi í sögu skólans.
Mikil hátíðarhöld fóru fram og flugu björgunarþyrlur Strandgæslunnar yfir svæðið til heiðurs nýjum sjóliðsforingjum sem að gömlum sið fleygðu húfum sínum á loft.
Fyrir 35 árum
Foreldrar Eyþórs, þau Helga Sveinsdóttir og Óskar Eyþórsson, voru viðstödd útskriftina. Þar voru einnig Georg Kr. Lárusson, forstjóri Landhelgisgæslunnar, og Ásgrímur L. Ásgrímsson, framkvæmdastjóri aðgerðasviðs. Árið 1987, eða fyrir 35 árum, útskrifaðist Ásgrímur fyrstur Íslendinga frá skólanum en skólafélagi hans, aðstoðarflotaforingi, stýrði útskriftinni. Kelly er nú skólastjóri skólans.
Kamala Harris, varaforseti Bandaríkjanna, og Karl Schultz, flotaforingi og yfirmaður strandgæslunnar, ávörpuðu útskriftarnemana og fjölskyldur þeirra.
Sögurík stofnun
Bandaríska strandgæslan getur rakið sögu sína til ársins 1790 en skóli stofnunarinnar var stofnaður árið 1876. Ríkar hefðir eru innan skólans og má nefna að nemendum er gert að sigla á seglskipi Strandgæslunnar USCGC Eagle. Skipið hefur meðal annars komið nokkrum sinnum við á Íslandi og hefur vakið töluverða athygli enda hæsta mastrið 45 metrar.
Konum var fyrst hleypt í skólann 1976 og var fyrsti erlendi nemandinn, Miguel Sanchez frá Filippseyjum, útskrifaður árið 1980.
Greiningarmiðstöð hluti af 13 landamæraaðgerðum
„Mjög bagalegt“ að klára ekki málið
Allt frá nokkrum tímum upp í viku í nýrri miðstöð
Hálfgerð martröð fyrir kosningastjóra
Frestar skerðingum fyrir norðan og austan
110 milljónir í stöðu prófessors
