Að óbreyttu stefnir enn í að Bandaríkin setji innflutningsbann á íslenskar sjávarafurðir frá og með 1. janúar 2023. Bannið tengist ákvæðum laga þar vestra um verndun sjávarspendýra.

Íslenskum yfirvöldum var veittur frestur til 30. nóvember 2021 að skila inn gögnum sem sýna fram á að aðgerðir til verndar sjávarspendýra séu sambærilegar hér á landi og í Bandaríkjunum. Slíkum gögnum var skilað í fyrra en ekki hafa borist nein skilaboð frá bandarískum yfirvöldum um það hvort haf- og loftslagsstofnun Bandaríkjanna, National Oceanic and Atmospheric Administration (NOAA), meti aðgerðir Íslands fullnægjandi.

Þetta kemur fram í svari Matvælaráðuneytisins við fyrirspurn 200 mílna.

„Eðli máls samkvæmt standa vonir til að Ísland uppfylli þær kröfur og að ekkert bann verði sett á íslenskar sjávarafurðir. Matið er fyrir afurðir einstakra veiða, almennt er það svo að meðafli sjávarspendýra í íslenskum veiðum er hverfandi, nema í grásleppuveiðum (selur). Í netaveiðum almennt er meðafli aðallega höfrungar, en sá stofn er stór og ekki talin í hættu vegna meðafla,“ segir í svarinu.

Frétt af mbl.is

Telja sig ranglega sakaða um dauða 1.400 sela

Tengdar fréttir

Bandarískt innflutningsbann

Óljóst hvenær umsókn Íslands verður afgreidd

• Innflutningsbanninu frestað á ný
• Mikil óvissa tengd grásleppuveiðum
• Telja sig ranglega sakaða um dauða 1.400 sela
• Hafa ekki veitt undanþágur frá innflutningsbanni

» Fleiri tengdar fréttir

• Blogga um frétt