Rannsakaður af lögreglu vegna tafa á birtingu laga
Setja bókamerki
Tengdar fréttir
Fiskeldi
Starfsmaður í atvinnu og nýsköpunarráðuneytinu tafði birtingu laga um sjókvíaeldi á laxi og var rannsakaður af lögreglu í framhaldinu. Héraðssaksóknari taldi þó ekki ástæðu til þess að leggja fram ákæru á hendur manninum. Þetta kemur fram í skýrslu Ríkisendurskoðunar um sjókvíaeldi.
Í skýrslunni kemur fram að lögin voru samþykkt af Alþingi 20. júní og staðfest af forseta Íslands 1. júlí. Hins vegar óskaði starfsmaður atvinnuvega- og nýsköpunarráðuneytisins eftir því að lögin yrðu ekki birt fyrr en eftir 17. júlí 2019 en þau voru birt í Stjórnartíðindum þann 19. júlí eða um fjórum vikum eftir að lögin voru samþykkt.
Töfin vakti spurningar
Hátterni starfsmannsins sem sagður er skrifstofustjóri í Heimildinni vakti grunsemdir og upp vöknuðu spurningar um það hvort hann væri að hygla ákveðnum fyrirtækjum í sjókvíaeldi.
„Atbeini viðkomandi starfsmanns varð tilefni til umfjöllunar fjölmiðla og opinberrar umræðu um hvort töf á birtingu og gildistöku langananna hefði verið óeðlileg og að tilgangurinn hefði verið sá að veita fiskeldisfyrirtækjum tíma til að tryggja að umsóknir þeirra um rekstrarleyfi myndu hljóta afgreiðslu í samræmi við eldri ákvæði laga um fiskeldi,“ segir í skýrslunni.
Í júlí 2020 gerði atvinnuvega- og nýsköpunarráðuneytið athugun á þessum embættisfærslum starfmannsins með hliðsjón af ákvæðum laga um réttindi og skyldur starfsmanna ríkisins. Sú athugun leiddi ekki til niðurstöðu en starfsmaðurinn hætti áður en henni lauk segir í skýrslunni.
Ekki talinn hafa hagsmuna að gæta
Málið fór fyrst til lögreglunnar á höfuðborgarsvæðinu í október 2020 áður en það var framsent til héraðssaksóknara í júní 2021. Héraðssaksóknari tilkynnti þó matvælaráðuneyti um að rannsókn hafi ekki leitt í ljós að það maðurinn hafi ekki haft hagsmuni af því að tefja birtingu lagann né að hallað hafi á réttindi einstakra manna eða hins opinbera. Þar sem engin ásetningur væri til staðar væri engin refsiábyrgð. Var rannsókn hætt í framhaldinu.
Tengdar fréttir
Fiskeldi
Svona vill almenningur hagræða ríkisrekstri
„Þetta er auðvitað í höndum kennara núna“
„Frumskylda mín að huga að börnunum mínum“
Ráðherrar eigi ekki að ýja að ítökum innan lögreglu
Svona er tillaga sáttasemjara: Hafa fram á laugardag
Tvö snjóflóð féllu í Ólafsvík
Byggingarfulltrúi viðurkennir mistök
Ryðja strax hindrunum úr vegi