Úttektin tækifæri til að gera betur
Setja bókamerki
Svandís Svavarsdóttir matvælaráðherra segir í viðtali í Morgunblaðinu í dag stjórnsýsluúttekt Ríkisendurskoðunar á sjókvíaeldi og skýrslu Boston Consulting Group um tækifæri á sviði lagareldis vera nægan grundvöll til að marka stefnu á sviði fiskeldis á Íslandi. Hún telur hins vegar ekki ástæðu til að grípa til eins umfangsmikillar vinnu og gert hefur verið til að móta stefnu í málefnum sjávarútvegsins.
„Þetta er alvarleg niðurstaða,“ segir Svandís, innt álits á úttekt Ríkisendurskoðunar, en stofnunin komst meðal annars að þeirri niðurstöðu að eftirlit með íslensku sjókvíaeldi hefði verið brotakennt og veikburða. Auk þess hafi markmiðum lagabreytinga árin 2014 og 2019 aðeins náðst með takmörkuðum hætti.
„Ég kýs að líta svo á að þetta sé gott tækifæri fyrir alla aðila – stjórnvöld, sveitarfélög, eftirlitsstofnanir og greinina sjálfa til að nema staðar og halda áfram með þeim hætti að greinin sé í sátt við umhverfi, samfélag og efnahag. Hún getur ekki haldið áfram að vaxa nema það sé gert með sjálfbærum hætti,“ segir Svandís
Slasað barn fær ekki styrk vegna leigu á hjólastól
Ránið var framið í strætóskýli
„Einhverjir töfrar sem gerast“
Nokkrar skriður féllu á Vestfjörðum
Mikilvægt að tala um sjálfsvíg án þess að hvísla
Jón „mun ekki koma nálægt meðferð hvalamálsins“
Telja sig geta rekið Grindavík til 2026