Norebo veiðir friðaðan karfa á Reykjaneshrygg
Setja bókamerki
Að minnsta kosti tveir rússneskir togarar sem sitt hvort dótturfélag rússnesku útgerðarinnar Norebo gerir út stunda nú veiðar á friðuðum úthafskarfa á Reykjaneshrygg rétt utan íslensku lögsögunnar þvert á bann íslenskra yfirvalda og Norðaustur-Atlantshafsfiskveiðiráðsins (NEAFC). Um er að ræða MYS Sheltinga í eigu Sakhalin Leasing Flot JSC og Rybak sem Murmansk Trawl Fleet gerir út, að því er segir í Morgunblaðinu.
Morgunblaðið greindi frá því í gær að Norebo tekur við greiðslum fyrir sjávarfang í gegnum sölufélagið Norebo Europe ltd. inn á gjaldeyrisreikninga í Landsbankanum sem er í 98,2% eigu íslenska ríksins. Ekki er þó hægt að fullyrða að Norebo hafi tekið við greiðslum fyrir friðaðan karfa inn á íslenska bankareikninga.
Færeyjar bækistöð
Að minnsta kosti sex rússneskir togarar hafa hafið veiðar á úthafskarfa á Reykjaneshrygg og er þeim kleift að stunda veiðarnar þrátt fyrir að rússneskum togurum hafi verið meinað að sækja þjónustu í íslenskum höfnum. Nýta þeir Færeyjar sem bækistöð, þar sem ekki liggja fyrir reglur þar í landi um bann við löndun, umskipun eða annarri þjónustu við skip sem stunda umræddar veiðar í samræmi við skuldbindingar færeyskra stjórnvalda.
Færeysk stjórnvöld fullyrða að engum úthafskarfa af Reykjaneshrygg hafi verið landað í Færeyjum það sem af er ári, að því er fram kemur í svari sjávarútvegs- og samgönguráðuneytis Færeyja (Fiskivinnu- og samferðslumálaráðið). Vert er þó að benda á að veiðar rússnesku togaranna hófust nýverið og héldu margir þeirra á miðin eftir viðkomu í Færeyjum.
„Ég sé ljósið, ég sé ljósið, ég sé ljósið“
Plástrameðferðir sem duga skammt
Rúta valt á Hellisheiði
„Ekkert horft á þarfir samfélagsins“
Telja samþykkt um skóla markleysu
Appelsínugul viðvörun á Austurlandi og Austfjörðum
Versnandi veður og búist við að færð spillist
Fyrstu gíslunum sleppt úr haldi Hamas