Bjarni: „Spyrjum að leikslokum“
Setja bókamerki
Bjarni Benediktsson, fjármála- og efnahagsráðherra, segir í sínum huga réttlætismál að ef reikningur falli á ríkið vegna makrílkvótamálsins verði hann ekki sendur á almenna skattgreiðendur í landinu.
Hann segir eðlilegt næsta skref vera að áfrýja niðurstöðu héraðsdóms til Landsréttar enda hafi ríkið boðað að tekið verði til varna af fullum þunga í málinu.
Þetta segir Bjarni í færslu á samfélagsmiðlum fyrir skömmu. Hann segir sanngirnismál að veiðarnar sjálfar muni á endanum standa undir slíkum reikningi, með einum eða öðrum hætti enda hafi allur hagnaður af makrílveiðum orðið eftir í greininni sjálfri en ekki hjá ríkissjóði. „Spyrjum að leikslokum,“ voru lokaorð færslu Bjarna.
Dæmt til greiðslu milljarða króna skaðabóta
Héraðsdómur Reykjavíkur dæmdi íslenska ríkið til greiðslu hátt í tveggja milljarða króna skaðabóta í tveimur málum sem Huginn VE-55 og Vinnslustöðin í Vestmannaeyjum ráku vegna tjóns, sem útgerðirnar urðu fyrir við útgáfu makrílkvóta á liðnum áratug.
Upphaflega stefndu sjö útgerðarfélög ríkinu árið 2019 til greiðslu skaðabóta alls að upphæð um 10,2 milljarða króna. Fimm félaganna féllu frá málarekstri á fyrri stigum, en þar áttu í hlut félögin Eskja, Gjögur, Ísfélag Vestmannaeyja, Loðnuvinnslan og Skinney-Þinganes. Huginn og Vinnslustöðin héldu málunum hins vegar til streitu.
Ríkið hafnaði ekki alfarið sátt
Bjarni segir í færslu sinni rangt að ríkið hafi alfarið hafnað sátt í málinu líkt og fram hefur komið í fjölmiðlum. Segir hann forsendu fyrir möguleikanum á sátt af hálfu ríkisins hafi verið að eingöngu væri horft til sölutaps útgerðar en ekki vinnslu eða sölukeðjunnar erlendis.
Fresta lokun endurvinnslustöðvar um ár
Fólk stimplað með kvíða og deyr svo
Ráðuneytið skammti mismunandi gögn
Hýsa nú töluvert færri umsækjendur um vernd
„Það þarf að fara að rannsaka hvað er að gerast“
Segir ekkert til í því að bindingarefnið sé verra
/frimg/1/50/16/1501697.jpg)
Íslendingar feimnari við að greina frá hættum
Þekktur ofbeldismaður í þriggja ára fangelsi