9,6 milljarðar í skatta og gjöld
Setja bókamerki
Síldarvinnslan hf. greiddi á síðasta ári 5,6 milljarða í skatta og gjöld og er það tæplega 68% meira en félagið greiddi árið 2021 og 98% meira en árið 2020. Innheimtir skattar af starfsfólki fyrir ríkissjóð námu 3,9 milljörðum króna á síðasta ári og er því skattspor félagsins 9,6 milljarðar króna. Skattsporið hefur aukist um tæplega þrjá milljarða frá árinu 2021 og 4,8 milljarða frá 2020.
Þetta er meðal þess sem fram kemur í samfélagsskýrslu Síldarvinnslunnar sem birt var á vef fyrirtækisins 30. maí síðastliðinn.
Þar kemur einnig fram að Síldarvinnslan og dótturfélög þess hafi á síðasta ári veitt 141,1 milljón króna í samfélagsstyrki. Þar af fóru 55,2 milljónir til íþróttamála, 27,1 milljón til heilbrigðistengdra mála, 16,7 milljónir til Úkraínu, 12,5 milljónir til menningarmála, 11,6 milljónir til félagasamtaka, 10,8 milljónir til björgunarsveita og 3,8 milljónir til menntunarmála og 3,4 milljónir til stjórnmálaflokka.
Meiri losun verksmiðja
Athygli vekur að kolefnisspor fiskimjölverksmiðja félagsins hefur rúmlega fjórfaldast frá árinu 2021 og var 20.113 tonn í kolefnisígildum árið 2022. Skerðing var á afhendingu rafmagns til Síldarvinnslunnar og var fyrirtækið því knúið til að taka í notkun olíu til að knýja verksmiðjurnar. Þurfti heila sjö milljón lítra.
Kolefnisspor bolfiskskipa hefur lækkað í 16.264 tonn árið 2022 úr 17.107 tonnum árið 2021, en árið 2020 var losun þessara skipa 16.729 tonn. Þá hefur kolefnisspor uppsjávarskipa Síldarvinnslunnar einnig minnkað og var á síðasta ári 27.696 tonn en var 32.322 tonn 2021. Árið 2020 var kolefnisspor þessara skipa 27.853 tonn en vert er að hafa í huga að engar loðnuveiðar voru það ár.
„Göngumynstur einstakra stofna, aflabrögð og ekki síst veðurfar hefur mikil áhrif á hversu langt þarf að sækja á miðin hverju sinni. […] Þótt hröð tækniþróun eigi sér nú stað í rafvæðingu í samgöngum er sú þróun komin skemmra á veg í vélbúnaði fiskiskipa. Þetta kann að breytast á komandi árum,“ segir í skýrslunni.
Krabbameinsfélagið undirbýr mikilvæga rannsókn
Katrín efst í nýrri könnun Prósents
Alþjóðlegi sakamáladómstóllinn vill handtaka Netanjahú
/frimg/1/49/28/1492862.jpg)
Vafasamt að Helga tjái sig vegna trúnaðarskyldu
Akureyringur: „Hann væri sístur hjá mér“
Forsetinn og utanríkisráðherrann látnir
Um 50 skjálftar í kvikuganginum
„Söguleg óvirðing sem gleymist aldrei“