Jón Pétursson segir í síðasta blaði 200 mílna áhyggjuefni hve algengt það er að strandveiðibátar verði vélarvana og að þá þurfi að draga í land. „Um leið og strandveiðar hefjast sjáum við uppsveiflu í gögnunum. Blessunarlega hafa þessi atvik ekki endað með alvarlegum slysum, en þó hafa orðið óhöpp sem kallað hafa á nánari rannsókn.“

Jón er rannsóknarstjóri sjósviðs hjá Rannsóknarnefnd samgönguslysa og segir hann Samgöngustofu þegar hafa brugðist við þróuninni með bættri fræðslu handa strandveiðimönnum: „Stofnunin gaf út tékklista sem sjómenn geta stuðst við þegar þeir hefja veiðar að vori, og þannig tryggt að allt gangi vel fyrir sig.“

Mikill fjöldi báta er á strandveiðum. mbl.is/Hafþór Hreiðarsson

Önnur áskorun sem Jón vill gefa gaum er vöxtur í farþegaflutningum umhverfis Íslands og á hann þar bæði við stóru skemmtiferðaskipin en ekki síður minni fley, s.s. þau sem notuð eru í hvalaskoðunarferðum.

„Það skiptir miklu máli að farþegafjöldinn um borð sé rétt skráður því ef eitthvað kemur upp á þurfa björgunaraðilar að vita upp á hár hve margir farþegarnir eru. Ef skráningunni er ábótavant og gefið hefur verið upp að farþegarnir séu 40, en þeir eru í reynd 60, hvað á þá að gera þegar 40 manns hefur verið bjargað úr háska?“

Um stóru farþegaskipin segir Jón að Landhelgisgæslan og aðrar stofnanir fylgist mjög vel með mögulegum hættum og að á stöku stað gæti þurft að marka skýrari reglur um hvaða siglingaleiðir þessi skip nota. „Er t.d. vert að athuga hvort það er ráðlegt að þessi skipi sigli langt inn á Breiðafjörð, og hve nálægt Hornströndum þau ættu að sigla, þá ekki síst með tilliti til umhverfissjónarmiða.“

Ítarlega var rætt við Jón í síðasta blaði 200 mílna.

Tengdar fréttir

Öryggi sjófarenda

Færa smábátasjómönnum öryggisapp að kostnaðarlausu

• Strand skemmtiferðaskips kallar á erlenda aðstoð
• Kalla þyrfti til erlent viðbragð
• Hafa þrjá mánuði til að bregðast við
• Siglingatækni Hefring í nýju björgunarskipin

» Fleiri tengdar fréttir

Strandveiðar

Veiðileyfum á upphafsdegi strandveiða fjölgaði

• Mokveiði á fyrsta degi strandveiða
• Mikið um að vera í stjórnstöð Landhelgisgæslunnar
• „Síðustu leifar náttúrulegs lífs á Íslandi“
• Bjartsýnir sjómenn gera klárt fyrir strandveiðar

» Fleiri tengdar fréttir