Stjórn LS skorar á ráðherra
Setja bókamerki
/frimg/1/48/98/1489817.jpg)
Stjórn Landssambands smábátaeigenda skorar á matvælaráðherra að endurskoða ákvörðun sína er varðar beiðni sambandsins um auknar veiðiheimildir til strandveiða.
Þetta kemur fram í tilkynningu frá Landssambandi smábátaeigenda.
Svandís Svavarsdóttir matvælaráðherra hafnaði beiðni sambandsins um að hækka aflaviðmið um 4.000 tonn.
Áhuginn mikill fyrir strandveiðum
Stjórnin vísar meðal annars til mikilvægis strandveiða og hins mikla áhuga sem strandveiðum er sýndur. Þetta eigi jafnt við sjómenn, fiskkaupendur, vinnsluaðila og eftirspurn frá mörkuðum. Strandveiðar geta á þann hátt brúað það tímabil sem stóru fyrirtækin loka vegna sumarleyfa fram að næsta fiskveiðiári, segir í tilkynningunni.
Þá segir einnig í tilkynningunni að stjórnin vilji benda á þá staðreynd að strandveiðimenn séu ævinlega látnir mæta afgangi þegar kemur að úthlutun veiðiheimilda. Það sé nöturlegt í ljósi þess að strandveiðikerfið sé eini glugginn í fiskveiðikerfinu þar sem einstaklingum gefst færi á því að reyna fyrir sér við fiskveiðar í atvinnuskyni, án þess að þurfa að kaupa eða leigja veiðiheimildir á verðum sem fæstir ráða við og eru í þokkabót ófáanlegar.
„Það er verið að slátra íslenskum heimilum“
Samningurinn samræmi bæði vinnuskil og vinnutíma
Stýrivextir Seðlabankans óbreyttir
Spá launahækkunum nokkuð umfram kjarasamninga
Erfiðar viðræður að baki
„4-5% gólf sem við verðum bara að brjótast í gegnum“
Kerfið streitist á móti