Svandís Svavarsdóttir matvælaráðherra hyggst leggja fram á vorþingi 2024 frumvarp um stefnumörkun fiskeldis á Íslandi til ársins 2028.

Dúi J. Landmark upplýsingafulltrúi ráðuneytisins segir að yfirstandandi vinna byggist að stórum hluta á matvælastefnu sem sett hefur verið til 2040. Í henni er fjallað um helstu greinar lagareldis, sjókvíaeldi, landeldi, þörungarækt og úthafseldi. „Meginviðfangsefnin eru styrking á rannsóknum, vöktun og eftirliti, eins er fjallað um skipulag leyfa og gjaldtöku með umhverfishvötum.“