Guðlaugur Þór Þórðarson, umhverfis- og loftlagsráðherra, segir að slysasleppingar strokulaxa úr sjókvíum Arctic Fish, sem hafa mengað út frá sér, muni hafa afleiðingar. Ráðherrann undirstrikaði mikilvægi þess að sýna samstöðu í þágu sjálfbærni og náttúru í erindi sínu á samstöðufundi á Austurvelli í dag.

Frétt af mbl.is

Afmyndaður lax í boði „Arctic Fúsk“

„Stóra málið er þetta. Það sem var varað við hefur gerst. Við þurfum að horfast í augu við það að hér varð stórt umhverfisslys og við þurfum að taka það alvarlega. Umgjörðin um þessa atvinnugrein, eins og á við um aðrar atvinnugreinar, verður að vera þannig að við getum treyst því að hún valdi ekki skaða í náttúrunni,“ segir hann.

Ekki sé hægt að láta eins og umhverfisslys hafi ekki orðið þegar seint í ágústmánuði fór að bera á strokulaxi í ám nærri sjókvíum Arctic Fish.

mbl.is/Óttar

Verður að vera hægt að treysta á að slys verði ekki 

„Hér er mættur gríðarlegur fjöldi fólks alls staðar af landinu til þess að gefa þau skilaboð um að við þurfum að vera sjálfbær og huga að íslenskri náttúru og það eru mjög góð skilaboð.“

Þarf að auka eftirlit?

„Þetta umhverfisslys verður auðvitað að hafa afleiðingar. Það segir sig sjálft. Við getum ekki látið eins og þetta hafi ekki gerst. Við þurfum að geta treyst því að umgjörðin í þessari atvinnugrein verði þannig að við sjáum ekki umhverfisslys því að stærsta ógnin við líffræðilegan fjölbreytileika er mikill fjöldi erlendra fiska í þessum kvíum og við verðum að geta treyst því að það valdi engum skaða.“

Tengdar fréttir

Fiskeldi

Felldi niður rannsókn á AF í annað sinn

• Aldrei meira af íslenskum eldisfiski
• Laxey fjárfestir í búnaði frá Marel
• Framleiddu 502 þúsund tonn af laxi
• Opnar kvíar bannaðar á vesturströnd BNA

» Fleiri tengdar fréttir

Slysslepping í Patreksfirði 2023

Strokulaxar setja mark sitt á laxveiðiár

• Ákvörðun lögreglustjórans kærð
• Lögreglan hættir að rannsaka Arctic Sea Farm
• Þriðja kafarasveitin frá Noregi er mætt
• Hafa greint 161 strokulax

» Fleiri tengdar fréttir

• Blogga um frétt