Hærri kostnaður með meiri olíu
Setja bókamerki
„Skerðingin tekur til ótryggrar orku sem við fáum afhenta á rafskautaketil í bræðslunni. Í dag er það þannig að við keyrum hluta af bræðslunni á rafskautakatli og hluta á olíukötlum, en það er vegna þess að við höfum ekki getað rafvætt bræðsluna að fullu vegna þess að það hefur ekki verið nægt rafmagn í boði hér í Eyjum,“ segir Sindri Viðarson, sviðsstjóri uppsjávarsviðs Vinnslustöðvarinnar í Vestmannaeyjum, í samtali við Morgunblaðið.
Hann var spurður um áhrif þess að Landsvirkjun hefur ákveðið að afhending á víkjandi raforku verði stöðvuð frá og með næstu mánaðamótum og ber við lélegri stöðu í miðlunarlónum á hálendinu.
Erfiður vatnsbúskapur
Segir Landsvirkjun ástæður þessara aðgerða vera samspil erfiðs vatnsbúskapar, hárrar nýtingar stórnotenda á langtímasamningum og aukinnar eftirspurnar heimila og smærri fyrirtækja, sem Landsvirkjun kappkosti að tryggja orku.
Segir fyrirtækið að fylling miðlunarforða lónanna 1. október sl. hafi verið 93% sem samsvari því að um 350 GWh vanti í vatnsforðann í upphafi vetrar. Því hafi verið gripið til skerðingar á afhendingu raforku til fiskimjölsverksmiðja, fiskþurrkana og gagnavera sem stunda rafmyntagröft.
„Það segir sig sjálft að ef við fáum ekki rafmagn á rafskautaketilinn í vetur, þá keyrum við meira á olíu,“ segir Sindri og bætir því við að þessi vetur sé ekki sá fyrsti sem Vinnslustöðin þurfi að þola skerðingu á raforku.
Nánar er fjallað um málið í Morgunblaðinu í dag.
Fresta lokun endurvinnslustöðvar um ár
Miðflokkur aldrei stærri: „Kominn tími á kosningar“
„Það þarf að fara að rannsaka hvað er að gerast“
Engar áhyggjur af því að tilraunamalbiki blæði
Íslenskur vísindamaður umbyltir greiningu fjöltaugabólgu
/frimg/1/50/16/1501697.jpg)
Íslendingar feimnari við að greina frá hættum
Ekki útlit fyrir lausasölu á næstunni