Þorgeir Örlygsson, fyrrverandi forseti Hæstaréttar, hefur verið skipaður formaður starfshóps sem verður falið að rýna lagaumgjörð hvalveiða með tilliti til alþjóðlegar skuldbindingar ríkisins, valdheimildir og skyldur stjórnvalda á þeim grundvelli, að því er segir í tilkynningu á vef stjórnarráðsins.

Katrín Jakobsdóttir, sem gegnir embætti matvælaráðherra um þessar mundir, hefur skipað starfshópinn sem er ætlað að skila skýrslu þar sem fram komi valkostagreining um mögulegar leiðir til úrbóta og stefnumótunar. Valkostirnir eru sagðir eiga að taka mið af áframhaldandi veiðum sem og takmörkun eða banni við veiðum til framtíðar. Skýrslunni er ætlað að vera grundvöllur fyrir framtíðarstefnumótun um hvalveiðar.

Starfshópinn skipa þau Þorgeir Örlygsson fyrrverandi forseti Hæstaréttar (formaður), Dr. Aðalheiður Jóhannsdóttir prófessor í umhverfis- og auðlindarétti við Háskóla Íslands Árni Kolbeinsson fyrrverandi forseti Hæstaréttar, Dr. Snjólaug Árnadóttir dósent og forstöðumaður Sjálfbærni- og loftslagsréttarstofnunar Háskólans í Reykjavík og Trausti Fannar Valsson forseti lagadeildar Háskóla Íslands og dósent í stjórnsýslurétti.

Tengdar fréttir

Hvalveiðar

Veiting hvalveiðileyfis ekki brot á EES-samningi

• Gefur ekkert upp um leyfi til hvalveiða
• Telur tvískinnung í umræðu um hvalveiðar
• Bíður eftir gögnum áður en hún tekur ákvörðun
• „Tíminn er runninn út fyrir Kristján Loftsson“

» Fleiri tengdar fréttir

• Blogga um frétt