Áhafnir beggja varðskipa Landhelgisgæslunnar hafa sinnt störfum á Þór þar sem Freyja hefur verið í viðhaldi að undanförnu, en aðeins ein áhöfn er á hverju skipi.

Fram kemur í færslu á Facebook-síðu stofnunarinnar að „síðustu dagar hafa verið annasamir um borð í Þór en áhöfnin var meðal annars til taks á Austfjörðum vegna snjóflóðahættu um liðna helgi.“

Þá hafi einnig töluvert verið umæfingar og fóru fram æfingar í reykköfun og notkun línubyssu í síðustu viku. Auk þess var á síðustu dögum og vikum farið um borð í þrettán skip og báta í tengslum við hefðbundið eftirlit.

Æft var í notkun línubyssu. Ljósmynd/Landhelgisgæslan

„Í flestum tilfellum hefur allt verið eftir bókinni en smávægilegar athugasemdir um lagfæringar þurfti að gera hjá einhverjum.“

Páskadag var haldið hið árlega páskabingó um borð þar sem spilaðar voru níu umferðir og glæsilegir vinningar í boði. „Áhöfnin vill þakka velunnurum sérstaklega fyrir að leggja þessari árlegu uppákomu lið,“ segir að lokum í færslunni.

Reykköfun þarf að æfa reglulega. Ljósmynd/Landhelgisgæslan

Áhöfnin var ánægð með páskabingóið. Ljósmynd/Landhelgisgæslan

Tengdar fréttir

Landhelgisgæslan

Eina tilboðið í slipptöku Freyju ógilt

• Bráðvantar bryta á Freyju
• Áhöfn Freyju boðið í skötu í Guðmundarbúð
• Varðskipið nötraði
• „Landhelgisgæslan einungis að sinna hlutverki sínu“

» Fleiri tengdar fréttir

• Blogga um frétt