Ætla að smíða tvö ný fiskiskip
Setja bókamerki
Tengdar fréttir
Endurnýjun skipaflotans
Nú stendur yfir hönnun tveggja nýrra fiskiskipa fyrir Vinnslustöðina í Vestmannaeyjum en til stendur að nýsmíðin leysi af hólmi nóta- og netabátinn Kap VE og togbátinn Drangavík VE. Um er að ræða umfangsmikla fjárfestingu sem hleypur á milljörðum króna að því er fram kemur í Morgunblaðinu í dag.
Sigurgeir Brynjar Kristgeirsson (Binni), framkvæmdastjóri Vinnslustöðvarinnar, segir í samtali við Morgunblaðið hönnunina langt komna með annað sjófarið sem gert er ráð fyrir að verði 29 metra togbátur.
„Við erum með hugmyndir um að í þessum bát verði lest þar sem allt er sjálfvirknivætt og að þar verði enginn starfandi, öll vinna verði bara uppi á millidekki. Þetta kallar á mikið skipulag því allt er þetta takmarkað af lengd og breidd bátsins. Sem gamall sjóari finnst mér mjög gaman að taka þátt í þessu, en þetta er mjög flókið.“
Þá sé áhersla lögð á hagkvæmni og sparneytni.
Spurður um hinn bátinn viðurkennir Binni að hönnunin sé skemmra komin en þar er um að ræða 40 metra togbát sem gæti stundað netaveiðar samhliða. „Þá værum við að tala um bát sem er svipaður Brynjólfi, sem við lögðum fyrir 2 árum. Vinnslustöðin er eina stærri útgerðin sem stundar netaveiðar.“
Ein af áskorununum er að hanna bát til þessara sérhæfðu veiða sem á að geta sinnt verkefninu í 15 til 20 ár og að hann uppfylli kröfur til annarra veiða þannig að báturinn verði söluvænlegur að tímabilinu loknu.
Lesa má viðtalið við Binna í Morgunblaðinu í dag.
Sprenging í Leifsstöð: Einn lítið slasaður
Staðfestir ótrúlega yfirburði sína
Ráðuneytið fer með rangt mál í samráðsgátt
Almannaöryggi ekki í hættu
Fylgjast þarf náið með kerfisbilun hjá Microsoft
Börnum mismunað eftir búsetu á Íslandi
„Dapurlegt“ hve lítið heyrist í menntamálaráðherra