Fram­kvæmd­ir við nýtt hús­næði á reit Vinnslu­stöðvar­inn­ar í Vest­manna­eyj­um ganga vel. Um er að ræða 5.600 fer­metra ný­bygg­ingu á tveim­ur hæðum og verður salt­fisk­vinnsla á neðri hæð og inn­vigt­un upp­sjáv­ar­afla á efri hæð.

„Fram­kvæmd­in er ennþá á áætl­un sam­kvæmt Eykt­ar­mönn­um. Við erum að stefna á að geta byrjað að nota neðri hæðina í janú­ar fyr­ir salt­fisk­inn. Í dag er plat­an á fyrstu hæðinni á loka­metr­un­um í þrónni og í port­inu er að verða klárt í að byrja á plöt­unni á 1 hæð,“ seg­ir Will­um And­er­sen, tækni­leg­ur rekstr­ar­stjóri Vinnslu­stöðvar­inn­ar, í færslu á vef út­gerðar­inn­ar.

Til­kynnt var um ný­bygg­ing­una í fyrra og stend­ur til að hún sé til­bú­in fyr­ir vetr­ar­vertíðina 2025.

Frétt af mbl.is

Vinnslu­stöðin læt­ur byggja 5.600 fer­metra hús

Um leið og plat­an á fyrstu hæð er til­bú­in verður farið í að steypa plöt­una á ann­arri hæð og hækka vegg­ina að aust­an, út­skýr­ir Will­um.

„Þar sem við erum að not­ast við út­vegg­ina í þrónni er upp­bygg­ing­in ekki svo sein­leg. Mesta vinn­an hef­ur verið að leggja lagn­asúpu und­ir plöt­una í grunn­inn til að upp­fylla all­ar kröf­ur um hreins­un og frá­dæl­ingu,“ út­skýr­ir hann.

Ljós­mynd/​Vinnslu­stöðin

Ljós­mynd/​Vinnslu­stöðin

Ljós­mynd/​Vinnslu­stöðin

Tengd­ar frétt­ir

Vinnslu­stöðin

Vinnslu­stöðin veðjar á vöxt í Am­er­íku

• Munu sækja verðmæti úr frá­rennsli vinnsl­unn­ar
• Sömdu um sjálf­virkt flutn­ings­kerfi í nýj­an tog­bát
• Ætla að smíða tvö ný fiski­skip
• Greiða 900 millj­ón­ir í arð eft­ir góða af­komu

» Fleiri tengd­ar frétt­ir

• Blogga um frétt