Leita húsnæðis undir frumkvöðlasetur
Setja bókamerki
/frimg/1/52/77/1527764.jpg)
Undirrituð var viljayfirlýsingu í vikunni um að Faxaflóahafnir og Reykjavíkurborg munu greiða götu nýsköpunar- og frumkvöðlaseturs undir heitinu „100% Húsið“ þar sem lögð verður áhersla á haftengda nýsköpun þar sem 100% af hverjum veiddum fiski nýtist til verðmætasköpunar.
Fram kemur í tilkynningu á vef Faxaflóahafna að til standi að skoða hvort húsakostur í eigu þeirra sem henti undir starfsemina eða hvort reist verði nýtt hús við hlið núverandi aðstöðu Sjávarklasans að Grandagarði 16.
„Gerð verður forsögn að nýju deiliskipulagi fyrir nýsköpunarhúsið með hliðsjón af þeim áherslum sem Faxaflóahafnir hafa til metnaðarfullrar atvinnuuppbyggingar,“ segir í tilkynningunni.
Þar segjast Faxaflóahafnir vilja „leggja sitt af mörkum til nýsköpunar í hafsækinni starfsemi til að hafnirnar á stærsta markaðssvæði landsins geti haldið áfram að þróast í takt við þarfir samfélagsins, atvinnulífsins og umhverfisins – því þannig auka Faxaflóahafnir lífsgæði á Íslandi. Faxaflóahafnir eru þegar aðalbakhjarl frumkvöðlaseturs í Húsi Sjávarklasans, þar sem frumkvöðlar hafa nýtt sér glæsilega aðstöðu og reynst dýrmætur stökkpallur í þeirra þróun.“
Gunnar Tryggvason hafnarstjóri segir það ánægjuefni að fylgjast með vexti Sjávarklasans og árangri fyrirtækjanna sem þar hafa starfað.
„Af þessum sökum höfum við haldið áfram að styrkja þessa starfsemi í okkar húsum og hyggjumst gera áfram. Við höfum verið að leita leiða til að rýmka um fyrir starfsemi hans og annarra fyrirtækja á Grandanum, bæði í sjávarútvegi og ferðaþjónustu en einnig nýsköpun og er þessi viljayfirlýsing áfangi í þeirri vegferð,“ segir Gunnar í tilkynningunni.
Fjöldi staura brotnaði og línur slitnuðu
Aðgerðir þýði mögulega tilflutning á fjármagni
Fella ákvörðunina ekki úr gildi
Boðar frumvörp um virkjanir
Verklok við snjóflóðavarnir áætluð 2029
Játaði allt á fyrsta degi
Ganga í hús sem á að rýma á Seyðisfirði
Truflanir hafa áhrif á netbanka og rafræn skilríki